पिंपळगाव जलाल शिवारात ट्रकच्या धडकेने हरीण ठार

येवला : येवला-कोपरगाव रोडवर पिंपळगाव जलाल शिवारात एका भरधाव ट्रकने मादी जातीच्या हरणाला जबर धडक दिल्याने हरीण गंभीर जखमी झाले व उपचारापूर्वीच त्याचा मृत्यू झाल्याची घटना घडली.

लोकमत न्यूज नेटवर्कयेवला : येवला-कोपरगाव रोडवर पिंपळगाव जलाल शिवारात एका भरधाव ट्रकने मादी जातीच्या हरणाला जबर धडक दिल्याने हरीण गंभीर जखमी झाले व उपचारापूर्वीच त्याचा मृत्यू झाल्याची घटना घडली. पाण्याच्या शोधार्थ भटकंती करताना हरणे येथील पिंपळगाव जलाल शिवारात रस्त्यावर आल्याने याच रस्त्यावर भरधाव वेगाने जाणाऱ्या एका ट्रकने जोरदार धडक दिल्याने हे हरीण रस्त्यावर विव्हळत अवस्थेत पडले होते. याच परिसरात राहणारे विक्र म भोरकडे व गोकुळ भोरकडे यांनी तत्काळ  घटनास्थळी धाव घेतली. त्यांनी लगेचच माजी सरपंच विजय भोरकडे व नवनाथ भोरकडे यांना या घटनेची भ्रमणध्वनीद्वारे माहिती दिली. ते घटनास्थळी पोहचले असता हरणाला या अवस्थेत उपचारासाठी नेण्याचा प्रयत्न केला; मात्र गंभीररित्या जखमी झालेले हे हरीण मरण  पावले.  या घटनेची माहिती वनविभागाचे अधिकारी अशोक काळे यांना दिली. त्यांनी घटनास्थळी येऊन मृत हरणास ताब्यात घेतले. याप्रसंगी गणेश भोरकडे, बाळू बनकर, नवनाथ भोरकडे, गणेश खोकले, किशोर खोकले, किशोर बोरजे, शांताराम भोरकडे, संदीप खोकले यांनी मदतकार्य केले.