नाशिक : जिल्हा परिषद, पंचायत समिती व महापालिका निवडणुकांसाठी गुरुवारी (दि. २३) मतमोजणी होणार आहे. नाशिक जिल्हावासीयांनी सत्ताशकट कुणाच्या हाती सोपविले, याचा फैसला आज दुपारपर्यंत निश्चित होणार आहे. मनपाचा कौल दीड तासात स्पष्ट होणार विक्रमी मतदानानंतर महापालिकेसाठी गुरुवारी (दि. २३) मतमोजणी होत आहे. महापालिकेतील ३१ प्रभागांमधील १२२ जागांकरिता ८२१ उमेदवार निवडणूक रिंगणात होते. यंदा प्रथमच दोन तास विलंबाने म्हणजे सकाळी १० वाजेपासून मतमोजणी प्रक्रियेस सुरुवात होणार आहे. पहिल्या दीड तासातच दहा प्रभागांमधील ४० जागांचा निकाल हाती येणार आहे. त्यामुळे कौल स्पष्ट होण्यास मदत होणार आहे.निकालाची लाइव्ह बित्तंबातमी लोकमतच्या वेबसाइटवरमहापालिका आणि जिल्हा परिषदांच्या निवडणुकांमध्ये कोण बाजी मारणार, याकडे अवघ्या महाराष्ट्राचे लक्ष लागले आहेत. या निवडणुकांच्या निकालाची बित्तंबातमी वेबसाइटच्या माध्यमातून आपल्यापर्यंत लाइव्ह पोचवण्यासाठी लोकमतची टीम सज्ज झाली आहे.
आज फैसला !
By admin | Updated: February 23, 2017 00:43 IST