दुचाकी अपघातात तळोद्याच्या इसमाचा मृत्यू

दुचाकी अपघातात तळोद्याच्या इसमाचा मृत्यू

  नाशिक : अज्ञात वाहनाने दिलेल्या धडकेत दुचाकीस्वाराचा मृत्यू झाल्याची घटना सोमवारी रात्री साडेनऊ वाजेच्या सुमारास मुंबई-आग्रा महामार्गावर घडली़ मयत इसमाचे नाव दादू नामदेव लंगडे (३८) असे असून, ते इगतपुरी तालुक्यातील तळोदा येथील रहिवासी आहेत़ याबाबत अधिक माहिती अशी की, दादू लांगडे हे सोमवारी रात्री मुंबई-आग्रा महामार्गावरून दुचाकीने जात होते़ बारटेंबे पेट्रोलपंपाजवळून जात असताना अज्ञात वाहनाने त्यांना धडक दिली़ त्यामध्ये त्यांच्या डोके, हात, पायास गंभीर मार लागल्याने हरिभाऊ लंगडे उपचारासाठी जिल्हा रुग्णालयात दाखल करण्यात आले होते़ मात्र, रुग्णालयात पोहोचण्यापूर्वीच त्यांचा मृत्यू झाल्याचे वैद्यकीय अधिकारी डॉ़ गायकवाड यांनी तपासून मयत घोषित केले़ या अपघाताची इगतपुरी पोलीस ठाण्यात नोंद करण्यात आली आहे़ (प्रतिनिधी)