पावसाच्या पाण्यात वाहून आलेल्या व काट्यांमध्ये अडकलेल्या क्लजवायरचा कमरेभोवती फास बसून, त्यातून बाहेर निघण्याचा प्रयत्न करताना फास अधिकाधिक आवळला गेला. कंबर, पोट व अवयव कापल्याने रक्तस्त्राव होऊन या मादी बिबट्याचा मृत्यू झाल्याची माहिती वनविभाग व पशूसंवर्धन अधिकाऱ्यांनी दिली. कॅनॉललगत दशरथ व संजय गिते यांचे सामाईक क्षेत्र आहे. शेळ्या चारत असताना हा प्रकार एका शेतकºयाच्या निदर्शनास आला. त्याने वनविभागाला माहिती दिल्यानंतर वन परिक्षेत्र अधिकारी प्रविण सोनवणे यांच्या मार्गदर्शनाखाली वनपाल अनिल साळवे, टी. एल. थोरात, मधुकर शिंदे, रोहीत लोणारे आदींनी घटनास्थळी धाव घेतली. अंदाजे तीन वर्षे वयाची ही मादी होती. पशूसंवर्धन अधिकारी डॉ. मिलिंद भणगे यांनी उत्तरीय तपासणी केल्यानंतर माळेगाव-मोहदरी वनउद्यानात मृत बिबट्यावर अंत्यसंस्कार करण्यात आले.
नांदूरमधमेश्वर कालव्यात बिबट्याचा मृत्यू
By लोकमत न्यूज नेटवर्क | Published: June 30, 2019 5:13 PM