समाज जागृतीसाठी गावफेरी

वडनेर भैरव ; येथील मराठा विद्या प्रसारक समाज संचालित कला व वाणिज्य महाविद्यालयातील विद्यार्थ्यांनी समाजजागृतीसांक्ष गावफेरी काढली्यवडनेर भैरव मध्ये स्वामी विवेकानंद जयंती- युवा दिनाच्या निमित्ताने दि.१७ ते २४जानेवारी हा युवा सप्ताह म्हणून साजरा केला जात आहे. या सप्ताहा अंतर्गत विद्यार्थ्यांच्या कलागुणांना वाव देणाऱ्या विविध स्पर्धा व उपक्र मांचे आयोजन करण्यात आले आहे.

ठळक मुद्दे वडनेर भैरव: महाविद्यालयीन विद्यार्थ्यांचा सहभाग

त्याचाच एक भाग म्हणून विविध सामाजिक समस्यांवर जनजागृती करण्याच्या उद्देशाने वडनेर भैरव गावात गावफेरी काढण्यात आली होती. या गावफेरीत विविध सामाजिक विषयांवर जनजागृती करणारे देखावे/ चित्ररथ साकारण्यात आले होते. यामध्ये स्त्रीभ्रूण हत्या रोखा, हैद्राबाद येथील प्रियांका रेड्डी प्रकरण, वारकरी सांप्रदायिक आदर्श दिंडी, गडकिल्ले वाचवा, विविधतेत एकता-देशाची शक्ती !, महाराष्ट्राची लोकपरंपरा, शिक्षणाने केला समाजाचा उद्धार आदी विविध विषयांवरील चित्ररथ, देखावे सहभागी झाले होते.गावातील ग्रामपंचायत समोर आणि शनिचौक येथे विद्यार्थ्यांनी पथनाट्ये सादरीकरण केले. मतदार राजा जागा हो- लोकशाहीचा धागा हो ! या रासेयो च्या स्वयंसेवकांनी सादर केलेल्या पथनात्याने सर्वांचे लक्ष वेधून घेतले.केवळ पुस्तकी ज्ञान घेऊन मर्यादित न राहता घेतलेल्या ज्ञानाचा विद्यार्थ्यांनी समाज जागृतीसाठी वापर केला पाहिजे. समाजात जाऊन विविध विषयांचे सादरीकरण करण्याची क्षमता व योग्यता निर्माण व्हावी यासाठी आमचा हा गावफेरी उपक्र म असतो , असे मत यावेळी प्राचार्य ए एल भगत यांनी व्यक्त केले.प्रा ज्ञानेश्वर भगुरे यांनी या गावफेरीचे संयोजन केले. महाविद्यालयाचे सर्वच प्राध्यापक, शिक्षकेतर सेवक, विद्यार्थी या गावफेरीत आवर्जून सहभागी झाले होते