येवल्यात खरेदीसाठी गर्दी; नियमांची सर्रास पायमल्ली

कोरोनाबाधित रुग्ण आढळल्याने शहरात अत्यावश्यक सेवेसह सर्वच येत्या बुधवारपर्यंत लॉकडाउन करण्यात आले आहे, परंतु अक्षय्यतृतीया असल्याने करा-केळी, खरबूज व आंबे खरेदीसाठी शहरात ठिकठिकाणी नागरिकांनी गर्दी केली होती. यावेळी शासनाने ठरवून दिलेल्या सर्वच नियमांची पायमल्ली झालेली दिसून आली.

ठळक मुद्देप्रशासनाचे दुर्लक्ष : अक्षय्यतृतीयेसाठी आंंबे खरेदीला उधाण

येवला : कोरोनाबाधित रुग्ण आढळल्याने शहरात अत्यावश्यक सेवेसह सर्वच येत्या बुधवारपर्यंत लॉकडाउन करण्यात आले आहे, परंतु अक्षय्यतृतीया असल्याने करा-केळी, खरबूज व आंबे खरेदीसाठी शहरात ठिकठिकाणी नागरिकांनी गर्दी केली होती. यावेळी शासनाने ठरवून दिलेल्या सर्वच नियमांची पायमल्ली झालेली दिसून आली. तर प्रशासनानेही यावर कोणतीही काळजी घेतली नसल्याचे दिसून आली.शहरातील शनिपटांगणावर सकाळी घासविक्र ी वरून व्यापारी व शेतकरी वाद होता होता राहिला. यावेळी परिसरातील लोक जमा झाले होते. पुढे केशवराव पटेल मार्केट आवारात हातगाडीवर आंबे खरेदी करण्यासाठी नागरिकांची गर्दी झाली होती. अवघ्या पंधरा-वीस मिनिटांत विक्र ेत्याकडील आंबे संपले. त्यानंतर मेनरोडवर खरबूज विक्रीच्या हातगाड्यांवरही नागरिकांकडून खरबूज खरेदी सुरू होती, तर काही करा-केळी विक्रेतेही या ठिकाणी बसलेले दिसून आले.याबरोबरच येवला-मनमाड महामार्गावर बनकर पेट्रोल पंपानजीकही आंबे खरेदीसाठी नागरिकांची झुंबड उडालेली होती. जवळच करा-केळी, खरबूज विक्र ीही सुरू होती. फत्तेबुरूज नाका येथेही करा-केळी, खरबूज, आंबे विक्र ी सुरू होती तर गंगादरवाजाकडे जाणाऱ्या रस्त्यावरही आंबे विक्र ीच्या हातगाड्या लागलेल्या होत्या. वसाहत भागांमध्येही करा-केळी, खरबूज, आंबे यांची ठिकठिकाणी विक्र ी झाली.लॉकडाउन व संचारबंदीने आंबे व करा-केळीचे भाव यंदा दुप्पट-तिप्पट झाल्याचे दिसून आले. सर्वसाधारण ४० ते ५० रुपये किलोने विक्र ी होणारे आंबे यंदा शंभर ते सव्वाशे रुपये किलोने विकले गेले, तर साधारण ५० ते ६० रुपयांत मिळणारी करा-केळी यंदा सव्वाशे ते दीडशे रुपयांपुढे विकली गेली.