विना मास्क नागरिकांवर फाैजदारी गुन्हे दाखल होणार

नांदूरवैद्य : कोरोनाच्या वाढत्या प्रादुर्भावापासून मुक्तता होण्यासाठी करावयाच्या उपाययोजनांच्या पार्श्वभूमीवर इगतपुरी तहसील कार्यालयात तालुका वैद्यकीय अधिकारी, गटविकास अधिकारी, सहायक गटविकास अधिकारी यांच्या प्रमुख उपस्थितीत बैठक घेण्यात आली. यावेळी विनामास्क फिरणाऱ्या व्यक्तीस एक हजार रुपये दंड व फौजदारी गुन्हा दाखल करण्याचे आदेश तहसीलदार परमेश्वर कासुळे यांनी दिले.

कोरोनाच्या वाढत्या प्रादुर्भावामुळे पुन्हा एकदा ग्रामीण भागातदेखील जनजागृती करण्यात येत असून, नागरिकांना गर्दी करू नये, तसेच दुकाने सकाळी ७ ते संध्याकाळी ७ पर्यंत सुरू ठेवावीत, असे आवाहन करतानाच कोरोनाबाधित रुग्ण आढळलेला परिसर सील करण्याचे आदेश कासुळे यांनी दिले. यावेळी गटविकास अधिकारी डॉ. लता गायकवाड यांनी नागरिकांना सॅनिटायझरचा वापर करणे, गर्दीच्या ठिकाणी जाणे टाळावे, तोंडाला मास्क लावूनच बाहेर पडणे व वेळोवेळी साबनाने हात स्वच्छ धुवावेत, तसेच सर्दी, खोकला, ताप असल्यास जवळच्या शासकीय रुग्णालयात तपासणीसाठी दाखल व्हावे, आदी सूचना दिल्या. याप्रसंगी सहायक गटविकास अधिकारी भरत वेंदे, सरपंच भगवान वाकचौरे, ग्रामसेवक पोपट बोडके, आशा सेविका विजया जाधव, अंगणवाडी पर्यवेक्षिका श्रीमती परशिरे, पोलीस कर्मचारी सोनवणे, वाजे, परदेशी, धरांकर यांच्यासह ग्रामपंचायत सदस्य त्र्यंबकराव डुकरे, हिरामण चिकने, परशराम वाकचौरे, भाऊसाहेब कडभाने आदी उपस्थित होते.

इन्फो

पिंपळगाव डुकरात कारवाई

गुरुवारी (दि.१८) इगतपुरी तालुक्यातील पिंपळगाव डुकरा येथे कोरोनाबाधित रुग्ण आढळून आल्याच्या पार्श्वभूमीवर साकुरफाटा येथील दुकानदार व विनामास्क फिरणाऱ्या व्यक्तींवर गटविकास अधिकारी डॉ. लता गायकवाड यांनी सरपंच भगवान वाकचौरे, सरपंच देवीदास देवगिरे, ग्राम अधिकारी नितेश हेंबाडे यांच्या उपस्थितीत दंडात्मक कारवाईची मोहीम राबविण्यात आली.

फोटो- १८ पिंपळगाव डुकरा

पिंपळगाव डुकरा येथे साकुरफाट्यावर विनामास्क फिरणाऱ्यांवर दंडात्मक कारवाईची माेहीम राबविताना गटविकास अधिकारी डॉ. लता गायकवाड समवेत सरपंच भगवान वाकचौरे, ग्रामसेवक नितेश हेंबाडे, भरत वेंदे आदी.

===Photopath===

180321\18nsk_14_18032021_13.jpg

===Caption===

 फोटो- १८ पिंपळगाव डुकरा पिंपळगाव डुकरा येथे साकुरफाट्यावर विनामास्क फिरणाऱ्यांवर दंडात्मक कारवाईची माेहीम राबवितांना गटविकास अधिकारी डॉ. लता गायकवाड समवेत सरपंच भगवान वाकचौरे, ग्रामसेवक नितेश हेंबाडे, भरत वेंदे आदी.