नाशिक : रोजगाराभिमुख शिक्षण ही काळाची गरज असून, त्यासाठी नाशिकमधील संदीप विद्यापीठाने मोठे पाऊल उचलत, प्रवेशासोबतच विद्यार्थ्यांना नोकरीचे नियुक्तिपत्र मिळवून देणारा अभ्यासक्रम सुरू केला आहे. त्यासाठी क्लाउड कॉम्प्युटिंग क्षेत्रात कार्यरत ईएसडीएस कंपनीसोबत संस्थेने करार केला असून, या करारासोबतच दोन्ही संस्थांनी पद्व्युत्तर पदवी व पदविका अभ्यासक्रमाची शुक्रवारी (दि.२७) घोषणा केली आहे.
मोठ्या उद्योगात काम करण्यासाठी आवश्यकतेनुसार, अभियंत्यांच्या कौशल्यांमध्ये मोठी तफावत असल्याचे दिसून येत असल्याचे नमूद करीत संदीप विद्यापीठाचे अध्यक्ष डॉ.संदीप झा व ईएसडीएसचे मुख्य कार्यकारी अधिकारी तथा मुख्य व्यवस्थापकीय संचालक पीयूष सोमाणी यांनी या अभ्याक्रमासंदर्भातील करारावर स्वाक्षऱ्या केल्या आहेत. सध्याच्या काळात उद्योजकांकडून उद्योगाभिमुख दृष्टिकोन आणि तंत्रज्ञान अभियांत्रिकी पदवीधरांकडून विलक्षण कौशल्याची अपेक्षा केली जात आहे, परंतु सद्याचा शैक्षणिक अभ्यासक्रम या गरजा पूर्ण करण्यासाठी पुरेसा नसल्याने नव्याने पदवीधरांना आवश्यक ज्ञान देण्यासाठी उद्योग त्यांच्या संसाधनांवर खर्च करावा लागत आहे, अशा उद्योगांसाठी ईएसडीएस व संदीप विद्यापीठाच्या माध्यमातून कुशल मनुष्यबळ उपलब्ध करून देण्यासाठी दोन्ही संस्थांतर्गत झालेल्या करारांतर्गत बीटेक इन कॉम्प्युटर सायन्स आणि इंजिनीअरिंगमध्ये विथ स्पेशलायझेशन इन क्लाउड कॉम्प्युटिंग आणि इन्फर्मेशन सिक्युरिटी व डिप्लोमा अभ्यासक्रम शैक्षणिक वर्ष २०२१-२२ मध्ये सुरू करण्यात आल्याचे यावेळी डॉ.संदीप झा व पीयूष सोमाणी यांनी सांगितले. ( वा.प्र)
इन्फो
पंडित श्री नित्यानंद झा कमवा शिका योजना सुरू
संदीप फाउंडेशन व संदीप विद्यापीठातील विद्यार्थ्यांसाठी संस्थेचे अध्यक्ष संदीप झा यांनी पंडित श्री नित्यानंद झा कमवा शिका योजना सुरू करण्यात आल्याची घोषणा शुक्रवारी (दि.२७) केली आहे. या योजनेंतर्गत विद्यार्थ्यांना ज्या क्षेत्रात करिअर करायचे आहे. त्या क्षेत्रात काम करण्याची संधी दिली जाणार असल्याचे त्यांनी यावेळी स्पष्ट केले.
270821\27nsk_34_27082021_13.jpg
नवीन अभ्यासक्रमासंदर्भात करार करताना संदीप विद्यापीठाचे अध्यक्ष डॉ. संदीप झा व ईएसडीएसचे मुख्य कार्यकारी अधिकारी पियुष सोमाणी