लोकमत न्यूज नेटवर्कपेठ : कोरोना विषाणूच्या पार्श्वभूमीवर दळणवळणाची व्यवस्था ठप्प झाल्याने ग्रामीण भागात जीवनावश्यक वस्तूंचा कृत्रिम तुटवडा दाखवून व्यापाऱ्यांकडून चढ्या भावाने मालाची विक्र ी होण्यावर प्रशासनाने लक्ष देऊन भाववाढ नियंत्रणात ठेवावी अशी मागणी करण्यात आली आहे.अखिल भारतीय आदिवासी विकास परिषदेच्या वतीने तहसीलदार संदिप भोसले यांना दिलेल्या निवेदनात म्हटले आहे की, पेठ हा आदिवासी व दुर्गम तालुका असल्याने खाजगी व्यापारी वर्गाकडून जीवनावश्यक वस्तूंचा कृत्रिम तुटवडा निर्माण करून ग्राहकांना चढ्या भावाने विक्र ी होण्याचे प्रकार सुरू झाले आहेत. शासनाकडून सर्व जिवनावश्यक सेवा सुरू असतांना चढ्या भावाने मालाची विक्र ी म्हणजे ग्राहकांची फसवणक असून याबाबत व्यापारी महासंघाची बैठक घेऊन सुचना देण्यात याव्यात अशी मागणी करण्यात आली आहे. निवेदनावर राज्य युवा कार्याध्यक्ष गणेश गवळी, अरूणा वारडे आदींच्या सहया आहेत.