-----------------
पालक-शिक्षक संघाची सहविचार सभा
शाळा व्यवस्थापन समिती व पालक शिक्षक संघाची सहविचार सभा झाली. यावेळी पालक संघाच्या पदाधिकाऱ्यांचे व पालकांचे शाळेच्या वतीने स्वागत करण्यात आले. यावेळी पालक शिक्षक संघाचे सहसचिव हितेंद्र पवार, नरेंद्र कापडणीस, अनिता पवार यांनी मनोगत व्यक्त केले. शिक्षक प्रतिनिधी म्हणून उपप्राचार्य आर. जी. पाटील यांनी मार्गदर्शन केले. कार्यक्रमाचे अध्यक्ष प्राचार्य ए. एस. पवार यांनी पालकांच्या समस्यांचे निरसन करून शाळेने राबविलेले उपक्रमा संदर्भात माहिती देऊन दिली. ऑनलाइन अध्ययन-अध्यापन प्रक्रियेमध्ये आपला पाल्य कसा सहभागी होईल यासाठी प्रत्येक पालकांनी प्रयत्न करण्याचे आवाहन केले. प्रास्ताविक व सूत्रसंचालन के. डी. देवरे यांनी केले आभार आर. बी. बच्छाव यांनी मानले.