कांद्याचा बसेना मेळ अन् टोमॅटोचा झाला खेळ

जळगाव नेऊर : येवला तालुक्यातील शेतकऱ्यांचे मुख्य पीक म्हणजे कांदा, टोमॅटो. या पिकावर शेतकऱ्यांचे पुढील अर्थचक्र अवलंबून असते पण सहा महिने कांदा साठवणूक करूनही त्यातून चार पैसे पदरात पडत नसतील तर कांदा साठवणूक करायची कशाला? असा प्रश्न शेतकऱ्यांना भेडसावत आहे. कारण गत दोन वर्षांपासून शेतकऱ्यांना साठवणूक केलेल्या कांद्यातून तोटाच सहन करावा लागत आहे.

अडीच हजारावर गेलेला कांदा सहा महिने चाळीत ठेवूनही शेतकऱ्यांना सरासरी बाराशे ते तेराशे भावाने विकावा लागत असल्याने शेतकऱ्यांचे अर्थचक्र बिघडल्याने पुढील खरिपातील लागवडीवर परिणाम होण्याची शक्यता निर्माण झाली आहे. तसेच कांदा चाळीत मोठ्या प्रमाणात सडत असल्याने याचा तोटाही शेतकऱ्यांना सहन करावा लागत आहे. शासनाने शेतकऱ्यांना कांदाचाळी उभारण्यासाठी अनुदान दिले, याचा फायदा शेतकऱ्यांनी घेतला आणि शेतकऱ्यांनी कांदा चाळीची उभारणी केली, पण हाच कांदा सहा महिने चाळीत ठेवूनही तोट्यावर विकावा लागत असेल त्याचा परिणाम शेतकऱ्यांच्या कांदा साठवणुकीवर होत आहे.

साठवून ठेवलेल्या कांद्यातून चार पैसे होतील व त्या पैशावर आपण पुढील पिके उभे करू या आशेवर असलेल्या शेतकऱ्यांचा मात्र तोंडचा घास पळाला असून पुढील पिके उभी करण्यासाठी आहे त्या भावाने कांदा विकावा लागत आहे.

मागील वर्षी शेतकऱ्यांना टोमॅटोतून बऱ्यापैकी पैसे मिळाले, त्यामुळे मोठ्या प्रमाणात शेतकऱ्यांनी टोमॅटो लागवडी केल्या, एक एकर टोमॅटो पीक उभे करण्यासाठी साधारणपणे एक लाखाच्या आसपास खर्च येतो. यामध्ये ड्रीप, बांबू, तार, मल्चिंग पेपर, सुताळी, मजुरी असा खर्च करून शेतकऱ्यांना आज मात्र या टोमॅटो पिकातून खर्चदेखील वसूल होत नसल्याने त्यांच्यावर टोमॅटो पिकामध्ये नांगर घालण्याची वेळ आली आहे.

कोट...

आतातर अनेक शेतकऱ्यांनी तर जनावरांचा चारा म्हणून टोमॅटोचा उपयोग केला आहे. एकूणच कांदा आणि टोमॅटोच्या आगारात शेतकऱ्यांचे मात्र आर्थिक गणित बिघडले असून मोठ्या प्रमाणात शेतकरी कर्जबाजारी होण्याची शक्यता निर्माण झाली आहे.

प्रतिक्रिया

भाववाढीच्या आशेने मोठ्या प्रमाणात शेतकऱ्यांना कांदा साठवणूक केली, पण आता दिवसेंदिवस कांदा खराब होत असून आधीच अडीच हजारावर गेला कांदा सरासरी बाराशे ते तेराशे रुपयांवर आल्याने शेतकऱ्यांना तोटा सहन करावा लागत आहे.

-

मल्हारी दराडे, कांदा उत्पादक शेतकरी. (०६ टमाटा, ०६ कांदा)

060921\205106nsk_26_06092021_13.jpg~060921\205106nsk_27_06092021_13.jpg

चाळीत सडत असलेला कांदा.~टमाटा.