गिरणारे गावात  स्वच्छता अभियान फेरी

नाशिक तालुक्यातील गिरणारे येथे ग्राम स्वच्छता अभियान फेरीचे आयोजन करून संपूर्ण गावातून फेरी काढण्यात आली. गावातील नागरिकांना स्वच्छतेबाबत आवाहन करण्यात आले असून, नागरिकांना व विक्रेत्यांना ओला व सुका कचरा जमा करण्यासाठी प्लॅस्टिकच्या कुंड्यांचे वाटप करण्यात आले.

गंगापूर : नाशिक तालुक्यातील गिरणारे येथे ग्राम स्वच्छता अभियान फेरीचे आयोजन करून संपूर्ण गावातून फेरी काढण्यात आली. गावातील नागरिकांना स्वच्छतेबाबत आवाहन करण्यात आले असून, नागरिकांना व विक्रेत्यांना ओला व सुका कचरा जमा करण्यासाठी प्लॅस्टिकच्या कुंड्यांचे वाटप करण्यात आले. केंद्र शासनाच्या वतीने राबविण्यात येणाऱ्या स्वच्छ भारत मिशन ग्रामीण अंतर्गत स्वच्छ सर्वेक्षण १ ते ३१ आॅगस्ट २०१८ या कालावधीत राबविण्यात येत असून, ग्रामस्थांकडून आॅनलाइन अभिप्राय घेण्यात येत आहे. ग्रामस्थांचे अभिप्राय नोंदणी सुरू झालेली असून, त्यावर जिल्ह्याचे गुणांकन ठरणार असल्याने गिरणारे येथे ग्राम स्वच्छता अभियान फेरीचे आयोजन करून फेरी काढण्यात आली. यावेळी गटविकास अधिकारी पी. एस. कोल्हे, विस्तार अधिकारी सानप, सरपंच अलकाताई दिवे, उपसरपंच तानाजी गायकर, नितीन गायकर, महेंद्र थेटे, आत्माराम थेटे, संजय सूर्यवंशी, विजय पोटिंदे, रोहन थेटे, अंगणवाडी सेविका, शालेय विद्यार्थी व महिला मोठ्या संख्येने उपस्थित होते.