नाशिक : जैन धर्मीयांचे पर्युषण पर्व दि. ९ ते १८ सप्टेंबर या कालावधीत असल्याने बुधवार दि. ९ सप्टेंबर आणि गुरुवार दि. १७ सप्टेंबर रोजी महापालिका हद्दीतील सर्व कत्तलखाने (स्लॉटर हाऊस) बंद ठेवण्याचे आदेश आरोग्याधिकाऱ्यांनी दिले आहेत. सदर दिवशी कत्तलखाने व मांसविक्रीची दुकाने बंद ठेवण्यात यावीत. या दिवशी जनावरांची कत्तल अथवा मांसविक्री करताना आढळून आल्यास संबंधितांवर कायदेशीर कारवाई करण्यात येणार आहे. तसेच पर्युषण पर्वातील उर्वरित दिवशी मनपा हद्दीतील सर्व कत्तलखाने व मांसविक्रीची दुकाने बंद ठेवून अहिंसा धर्माचे पालन करावे, असे आवाहनही महापालिकेने केले आहे. (प्रतिनिधी)
पर्युषण पर्वानिमित्त कत्तलखाने बंद
By admin | Updated: September 7, 2015 00:36 IST