आरक्षण बदलल्याने समीकरणेही बदलणार

मातब्बरांना धक्का : आमने-सामने रंगणार लढती

गोकुळ सोनवणे  सातपूरआगामी महापालिका निवडणुकीसाठी घोषित करण्यात आलेल्या प्रभागरचनेत प्रभागांची रचना बदलल्याने सातपूरच्या राजकारणाचे समीकरण बदलणार आहे. नवीन प्रभाग रचना आणि आरक्षणामुळे विद्यमान मातब्बर नगरसेवकांमध्ये ‘कही खुशी जादा गम’ अशी स्थिती निर्माण झाली आहे. काहींना प्रभाग रचनेचा तर काहींना आरक्षणाचा फटका बसला आहे. इच्छुकांमध्येदेखील संभ्रमाचे वातावरण पसरले आहे. या निवडणुकीत सातपूरच्या राजकारणातील समीकरणे नक्कीच बदलणार आहेत.फेब्रुवारी महिन्यात होणाऱ्या महानगरपालिकेच्या सहाव्या पंचवार्षिक निवडणुकीसाठी शुक्र वारी नवीन प्रभागरचना आणि आरक्षण घोषित करण्यात आले. सद्यस्थितीत सात प्रभाग (१४ नगरसेवक) होते. आता चार प्रभाग (१६ नगरसेवक) होणार आहेत. नवीन प्रभागरचनेत काही जुने प्रभाग शाबूत ठेवण्यात आले आहेत. तर काही प्रभागांची मोडतोड करण्यात आली आहे. त्यामुळे काही विद्यमान नगरसेवकांना नेमके कोणत्या प्रभागातून उमेदवारी करावी, असा प्रश्न पडणार आहे. तर काही नगरसेवकांना ही प्रभागरचना पथ्यावर पडली आहे. नवख्या उमेदवारांनादेखील ही प्रभागरचना बुचकळ्यात टाकणारी ठरणार आहे. शिवाय जे काही आरक्षण घोषित करण्यात आले आहे त्याचाही फटका मातब्बर नगरसेवकांना बसला आहे, तर इच्छुक उमेदवारांच्या अपेक्षांवर देखील पाणी फिरणार आहे.कही खुशी ज्यादा गम ....या प्रभागरचनेचा सर्वाधिक फायदा विद्यमान नगरसेवक दिनकर पाटील व लता पाटील यांना होणार आहे. तर विलास शिंदे, रेखा बेंडकुळे, विक्र ांत मते, उषा अहिरे यांचे जुने दोन्ही प्रभाग मिळून एक प्रभाग (प्रभाग क्र . ८) तयार करण्यात आला आहे. या नगरसेवकांना एकमेकांच्या विरोधात लढावे लागेल. विद्यमान नगरसेवक शशिकांत जाधव यांचा जुना प्रभाग शाबूत ठेवून नवीन भाग जोडण्यात आला आहे. विद्यमान स्थायी सभापती सलिम शेख यांच्याा प्रभागाची दोन प्रभागात विभागणी करण्यात आली आहे. त्यामुळे शेख यांची डोकेदुखी वाढणार आहे. गेल्या वीस वर्षांपासून नगरसेवक पद भूषविणारे प्रकाश लोंढे यांना आरक्षणाचा फटका बसला आहे. त्यांना अन्य प्रभागातून निवडणूक लढवावी लागेल. विद्यमान नगरसेवक सचिन भोर यांच्या प्रभागाचे विभाजन करण्यात आले आहे. शिवाय त्यांचा बालेकिल्ला सातपूर विभागातून अंबड विभागात जोडण्यात आला आहे.नूतन प्रभागरचनाप्रभाग क्र मांक ८ (अनुसूचित जाती महिला,अनुसूचित जमाती महिला, ओबीसी, सर्वसाधारण). नरस्ािंहनगर, शंकरनगर, सद्गुरुनगर, खांदवेनगर, सोमेश्वर कॉलनी, संत कबीरनगर, काळेमळा, सावरकरनगर, आनंदवली गावठाण, गंगापूर गावठाण.प्रभाग क्र मांक ९ (अनुसूचित जाती, ओबीसी महिला, सर्वसाधारण महिला, सर्वसाधारण). शिवाजीनगर, ध्रुवनगर, श्रमिकनगर, धर्माजी कॉलनी, मोतीवाला कॉलेज.प्रभाग क्र मांक १० (ओबीसी महिला, सर्वसाधारण महिला, सर्वसाधारण, सर्वसाधारण). पिंपळगाव बहुला, जाधव संकुल, संभाजीनगर, सावरकरनगर, विश्वासनगर, वास्तुनगर, श्रीकृष्णनगर, समतानगर, अशोकनगर, विवेकानंदनगर, राज्य कर्मचारी वसाहत.प्रभाग क्र मांक ११ (अनुसूचित जाती महिला, अनुसूचित जमाती,ओबीसी, सर्वसाधारण महिला). प्रबुद्धनगर, एमआयडीसी, महाराष्ट्र हौसिंग कॉलनी, संतोषी मातानगर, स्वारबाबानगर, सातपूर गावठाण, राजवाडा, महादेववाडी, कामगारनगर.