सिग्नल तोडून कारची बसला धडक

तारवालानगर चौफुली ; सुदैवाने जीवितहानी नाही़

लोकमत न्यूज नेटवर्कनाशिक : भरधाव कारने सिग्नल तोडून बसला धडक दिल्याची घटना शुक्रवारी (दि़ ३०) दुपारच्या सुमारास तारवालानगर चौफुलीवर घडली़ या अपघातात सुदैवाने कोणीही जखमी झाले नसले तरी कारचे मोठे नुकसान झाले आहे़पंचवटी पोलिसांनी दिलेल्या माहितीनुसार पेठरोडवरील शरदचंद्र पवार कृषी मार्केट यार्डकडून फोर्ड इको स्पोर्ट कारचालक (एमएच १५, एफजी ३३६६) सचिन अरविंद दराडे (३४, रा़ दराडे मळा, मनमाड) हे भरधाव कार घेऊन अमृतधामकडे जात होते़ त्यावेळी तारवाला चौफुलीवरील सिग्नल कारने तोडला व म्हसरूळकडून निमाणीकडे जाणारी शहर बस (एमएच २०, बीएल ४१८६) जात असताना कार बसवर जाऊन आदळली़ यामध्ये कारचे पुढील बाजूचे मोठे नुकसान झाले असून, सुदैवाने जीवितहानी झाली नाही़या प्रकरणी पंचवटी पोलीस ठाण्यात कारचालक दराडे (३४, रा़ दराडे मळा, मनमाड) विरोधात मोटार वाहन कायद्यान्वये गुन्हा दाखल करण्यात आला आहे़