पंचवटी : म्हसरूळ शिवारात असलेल्या बोरगड येथे एका बंद रो हाऊसचा कडीकोयंडा तोडून चोरट्यांनी घरातून रोख रक्कम, सोन्या-चांदीचे दागिने व एलईडी टीव्ही असा २५ हजार रुपयांचा ऐवज चोरून नेल्याची घटना उघडकीस आली आहे.
बोरगड प्रगतीनगर येथे राहणाऱ्या चिंतामण हिरामण गायकवाड यांनी म्हसरूळ पोलीस ठाण्यात या घरफोडीची तक्रार दाखल केली आहे. गेल्या आठवड्यात गायकवाड कामानिमित्त बाहेर गेले असताना चोरट्यांनी त्यांच्या बंद घराचा कडीकोयंडा तोडून घरात प्रवेश केला. चोरट्यांनी घरातून एलईडी टीव्ही, दोन चांदीच्या मूर्ती, कानातील झुबे व ५ हजार रुपयांची रोकड असा जवळपास २५ हजार रुपयांचा ऐवज चोरून नेला. गायकवाड हे घरी आले असता, त्यांना घराचा कडीकोयंडा तोडलेला दिसला, त्यावरून घरफोडी झाल्याचे निदर्शनास येताच त्यांनी म्हसरूळ पोलीस ठाण्यात तक्रार दाखल केली असून, पोलीस चोरट्यांचा शोघ घेत आहेत.