मोटार अडवून मारहाण करत जबरी लूट

नाशिक : चारचाकी वाहनाचा पाठलाग करत दुचाकीस्वाराने मोटार अडवून चालकाला मारहाण करून गळ्यातील ५० ग्रॅम वजनाची सोनसाखळी हिसकावून जबरी लूट केल्याचा धक्कादायक प्रकार घडला आहे.

ठळक मुद्देसंशयिताचा पूर्ण पत्ता नसल्यामुळे तो अद्याप पोलिसांना आढळून आलेला नाहीसंशयित परदेशी याने त्यांची सोन्याची साखळी हिसकावून दुचाकीवरून पळ काढला.

नाशिक : चारचाकी वाहनाचा पाठलाग करत दुचाकीस्वाराने मोटार अडवून चालकाला मारहाण करून गळ्यातील ५० ग्रॅम वजनाची सोनसाखळी हिसकावून जबरी लूट केल्याचा धक्कादायक प्रकार घडला आहे.नाशिक-पुणे महामार्गावरून द्वारकेच्या दिशेने कुटुंबासमवेत गिरीश रघुनाथ गावित (४५, रा. तपोवन लिंकरोड) हे त्यांच्या मोटारीने (एमएच १५, ईएन २२९९) मुलीला घेऊन जात होते. दरम्यान, संशयित विक्रांत परदेशी (रा. गंगापूररोड) याने दुचाकीवरून (एमएच १५, बीझेड ६९७३) पाठलाग करत मुंबई नाका पोलीस ठाण्याच्या हद्दीत मोटार अडविली. मोटारचालक गावित यांना बाहेर ओढून लाथाबुक्क्यांनी मारहाण करण्यास सुरुवात के ली. बेदम मारहाणीदरम्यान, संशयित परदेशी याने त्यांची सोन्याची साखळी हिसकावून दुचाकीवरून पळ काढला. याप्रकरणी परदेशीविरुद्ध गावित यांनी मुंबई नाका पोलीस ठाण्यात फिर्याद दिली असून, त्यांच्या फिर्यादीवरून संशयिताविरुध्द गुन्हा दाखल केला आहे. संशयिताचा पूर्ण पत्ता नसल्यामुळे तो अद्याप पोलिसांना आढळून आलेला नाही.