नाशिक : ‘लोकमत रक्ताचं नातं’ या उपक्रमांतर्गत सोमवारी लोकमत आणि वुई फाउंडेशनच्या संयुक्त विद्यमाने जुना गंगापूर नाका येथील बुधा हलवाईनजीक रक्तदान शिबिराचे आयोजन करण्यात आले आहे.
‘लोकमत’तर्फे ज्येष्ठ स्वातंत्र्यसंग्राम सेनानी आणि ‘लोकमत’चे संस्थापक संपादक जवाहरलालजी दर्डा उपाख्य बाबूजी यांच्या जयंतीचे औचित्य साधून आयोजित ‘लोकमत रक्ताचं नातं’ या अभिनव उपक्रमाला नागरिकांकडून उत्स्फूर्त प्रतिसाद मिळत आहे. चेतनानगर येथील तिरुमला आशियाना अपार्टमेंट येथे झालेल्या रक्तदान शिबिरात रविवारी १४ पिशव्या रक्तसंकलन झाले. चेतना नगर येथील श्री तिरुमला आशियाना अपार्टमेंटमधील रक्तदानप्रसंगी जितेंद्र अहेर, आप्पासाहेब घोडेराव, विशाल सांगळे, बाळासाहेब वाघ व आशियाना अपार्टमेंटचे अन्य पदाधिकारी यावेळी उपस्थित होते.
फोटो (१८तिरुमला)
चेतना नगर येथील श्री तिरुमला आशियाना अपार्टमेंटमधील रक्तदानप्रसंगी प्रकाश सपकाळे, श्रीकांत तेजाळे, हेमंत मदाने, जितेंद्र सोनवणे, डॉ. योगेश शिंदे, कृष्णा रेड्डी, संदीप कदम आदी.