इंदिरानगर : भरधाव पिकअपने दिलेल्या धडकेत दुचाकीवरील युवकाचा मृत्यू, तर पाठीमागे बसलेला त्याचा भाऊ गंभीर जखमी झाल्याची घटना पाथर्डीगाव चौफुलीजवळ शनिवारी (दि़२६) रात्रीच्या सुमारास घडली़ मयत युवकाचे नाव सोनू कुशवाह (२२) असे असून, तो अंबड लिंकरोडवरील कारगील चौकातील रहिवासी आहेत़याबाबत अधिक माहिती अशी की, सोनू कुशवाह (२२) व त्याचा लहान भाऊ कपील कुशवाह हे शनिवारी रात्री साडेअकरा वाजेच्या सुमारास दुचाकीने (एमएच १५, बीडी २९३४) वडनेरकडून पाथर्डी चौफुलीकडे येत होते़ त्यावेळी समोरून भरधाव आलेल्या पिकअपने (एमएच१५, बीझेड १८४३) त्यांना धडक दिली. यामध्ये हे दोघेही भाऊ गंभीर जखमी झाल्याने त्यांना उपचारासाठी जिल्हा रुग्णालयात दाखल करण्यात आले़ त्यामध्ये सोनू कुशवाहचा उपचारादरम्यान रविवारी (दि़२७) सकाळी साडेआठ वाजेच्या सुमारास मृत्यू झाला, तर त्याचा भाऊ कपिलवर उपचार सुरू आहेत़या प्रकरणी अंबड पोलीस ठाण्यात पिकअप चालकावर अपघाताचा गुन्हा दाखल करण्यात आला आहे़ (वार्ताहर)
भरधाव पिकअपच्या धडकेत दुचाकीस्वार ठार
By admin | Updated: December 28, 2015 00:26 IST