आयुर्वेद, हाेमिओपॅथीचा वापर करण्यासाठी महापौरांचे साकडे

आयुष मंत्रालयाने मान्यता दिलेले होमिओपॅथी व आयुर्वेदिक या पॅथींचाही वापर ॲलेापॅथीबरोबरच कोरोनासारख्या आजारांमध्ये औषधोपचार म्हणून उपयोग होऊ शकतो, असे आयुष मंत्रालयाचे म्हणणे आहे. गृहविलगीकरणात असेलेले रुग्ण तसेच इतर नागरिक कोरोनाबाधीत होऊच नये याकरीता होमिओपॅथी व आयुर्वेदिक औषधांचा वापर केल्यास निश्चितच रुग्णसंख्या कमी होण्यास मदतच होणार आहे. याबाबत नाशिक शहरातील होमिओपॅथी व आयुर्वेदिक तज्ज्ञ यांचे मतानुसार साधारण एचआरसीटी स्कोर ८ ते ९ पर्यंत असणारे कोविड रुग्ण हे निश्चितच बरे होऊन त्यांना गंभीर परिस्थितीला सामोरे जावे लागणार नाही, असे तज्ज्ञांचे ठाम मत आहे. आजपावेतो त्यांनी हजारो रुग्ण या उपचाराद्वारे बरे केलेले असल्याने होमिओपॅथी व आयुर्वेदिक अंतर्गत चिकीत्सा प्रणालीमध्ये उपचार केल्यास निश्चितच कोरोना संसर्ग रुग्णांची संख्या कमी होण्यास मदतच होणार असल्याचे महापौरांनी दिलेल्या पत्रात नमूद केले आहे.