ठळक मुद्देअपघातात प्रवासी किरकोळ जखमी बसचालकाने दाखविलेल्या प्रसंगावधानाने अनर्थ टळला.
निफाड : नैताळे गावाजवळ औरंगाबाद-नाशिक बसला गुरुवारी झालेल्या अपघातात प्रवासी किरकोळ जखमी झाल्याची घटना घडली. बसचालकाने दाखविलेल्या प्रसंगावधानाने अनर्थ टळला. अपघातातील जखमींचा निश्चित आकडा समजू शकला नाही. पिंपळगाव आगाराची बस क्र . एम. एच.- १४ बी. टी. ३३२७ बस गुरु वारी सायंकाळी नाशिककडे येत होती. नैताळे गावालगत बसचा पाटा अचानक तुटला. त्यामुळे बस हेलखावे खात उजव्या बाजूच्या दुभाजकावरून ओलांडून पलीकडील रस्त्यावरील नाल्यात जाऊ लागली.