फुलेनगर भागात तलवार हातात घेऊन दहशत माजविण्याचा प्रयत्न; एकाला अटक

नाशिक : पंचवटीतील फुलेनगर येथील कालिका मंदिर परिसरात हातात तलवार घेऊन फिरत दहशत माजविण्याचा प्रयत्न करणाऱ्यास पोलिसांनी अटक केली आहे. याप्रकरणी पंचवटी पोलीस ठाण्यात गुन्हा दाखल करण्यात आला. अनिल श्रावण सोनवणे (२०, मूळ रा. गोंदेगाव, जि. औरंगाबाद) असे अटक करण्यात आलेल्या संशयिताचे नाव आहे. फुलेनगर येथील कालिका मंदिर परिसरात साेनवणे हा हातात तलवार घेऊन फिरत असल्याची माहिती पोलिसांना मिळाली होती. त्यानुसार पंचवटी पोलिसांनी गुरुवारी (दि. १२) रात्री ही कारवाई केली. फुलेनगर परिसरात दहशत निर्माण करण्यासाठी तो परिसरात तलवार घेऊन फिरत असताना पोलिसांनी त्याला पकडले. त्याच्या ताब्यातून तलवार हस्तगत करण्यात आली आहे. याप्रकरणी पोलीस नाईक दिलीप बोंबले यांनी पंचवटी पोलीस ठाण्यात दिलेल्या तक्रारीनुसार गुन्हा दाखल करण्यात आला असून, पुढील तपास पोलीस नाईक कुलकर्णी करीत आहेत.