तीन हजार कर्मचाऱ्यांना कायम करण्याचे आश्वासन आदिवासी विकासमंत्र्यांशी आंदोलकांची चर्चा

तीन हजार कर्मचाऱ्यांना कायम करण्याचे आश्वासन आदिवासी विकासमंत्र्यांशी आंदोलकांची चर्चा

  नाशिक : मंत्रिमंडळाच्या आर्थिक नियोजनाच्या बैठकीत आदिवासी विकास विभागांतर्गत कंत्राटी व तासिकेवर असलेल्या राज्यभरातील सुमारे ३२०० शिक्षक व शिक्षकेत्तर कर्मचाऱ्यांना कायम करण्याचे आश्वासन आदिवासी विकासमंत्री विष्णू सावरा यांनी राज्य आदिवासी विकास विभाग शिक्षक व शिक्षकेतर कर्मचारी संघटनेच्या शिष्टमंडळाला दिल्याची माहिती संघटनेचे राज्य अध्यक्ष रितेश ठाकूर यांनी दिली. येत्या २४ फेब्रुवारीपर्यंत शिक्षक व शिक्षकेतर कर्मचाऱ्यांना कायम न केल्यास संघटनेचे २५ फेब्रुवारीपासून बेमुदत आमरण उपोषण व त्यानंतर सामूहिक आत्मदहन करण्याचा इशारा आदिवासी विकासमंत्र्यांना दिल्याचे रितेश ठाकूर यांनी सांगितले. मागील डिसेंबर महिन्यात २३ ते ३१ दरम्यान आदिवासी विकास आयुक्तालयात महाराष्ट्र राज्य कंत्राटी व रोजगार शिक्षक व शिक्षकेतर कर्मचारी संघटनेच्या पदाधिकाऱ्यांनी ठिय्या आंदोेलन केले होते. त्यावेळी आदिवासी विकासमंत्र्यांनी हा प्रश्न आठवडाभरात निकाली काढण्याचे आश्वासन दिल्यानंतर हे आंदोलन मागे घेण्यात आले होते. या संघटनेच्या पदाधिकाऱ्यांनी आदिवासी विकास आयुक्तांना २ फेब्रुवारीपर्यंत प्रश्न न सुटल्यास पुन्हा आंदोलन करण्याचा इशारा एका निवेदनाद्वारे दिला होता. काल या संघटनेच्या पाच पदाधिकाऱ्यांची दुपारी दोन ते तीन दरम्यान आदिवासी विकासमंत्री विष्णू सावरा यांच्याशी चर्चा केली