यार्दी सरांच्या ‘सहल स्मृती’साठी आवाहन

नाशिक : येथील बिटको बॉईज हायस्कूलचे विद्यार्थीप्रिय कलाशिक्षक कमलाकर यार्दी यांनी १९६४ ते १९९५ या काळातील पिढ्या अक्षरश: घडवल्या. या छंदोपासक, निसर्गप्रेमी, धाडसी जलतरणपटू , अंधश्रद्धा निर्मूलनाच्या कार्यात पुढाकार घेत सर्वांमध्ये विज्ञानदृष्टी निर्माण करण्यासाठी झटणारे कलाशिक्षक यार्दी सरांच्या स्मृतिप्रीत्यर्थ २४ सप्टेंबरला ‘स्मृती सहल’ या त्यांच्या आठवणींच्या पुस्तकाचे प्रकाशन करण्यात येणार आहे. तसेच यावेळी त्यांचा एक माहितीपटदेखील प्रदर्शित करण्याचे नियोजन दि न्यू एज्युकेशन इन्स्टिट्यूट संस्थेचे अध्यक्ष प्रकाश वैशंपायन आणि सहकारी शिक्षक, माजी विद्यार्थ्यांच्या वतीने करण्यात आले आहे. त्यामुळे यार्दी सरांशी संपर्क आलेल्या, त्यांच्यावर प्रेम करणाऱ्या विद्यार्थी किंवा संबंधितांनी त्यांच्या संदर्भातील आठवणी लेख रूपाने ३१ ऑगस्टपूर्वी संस्थेच्या कार्यालयात किंवा संजय मालुसरे, भास्कर कवीश्वर यांच्याकडे पाठविण्याचे आवाहन संस्थेच्या वतीने करण्यात आले आहे.