ठळक मुद्दे कायदा हातात घेण्याआधी पोलिसांशी संपर्क साधावा,
सिन्नर : मागील काही दिवसांपासून काही समाजकंटक व्हॉट्सअ‍ॅप, फेसबुक, इन्स्टाग्राम आदी सोशल मीडियाच्या माध्यमातून मुले पळवणारी टोळी सक्रिय झाल्याची किंवा चोर आल्याच्या अफवा पसरवित आहेत. अफवांमुळे इतर जिल्ह्यात जमावाकडून बहुरूपी, वाटसरू, भिकारी व अन्य निष्पाप लोकांना जबर मारहाणीचे प्रकार घडले आहेत. तर काही घटनांत खून झाले आहेत. अफवांवर विश्वास न ठेवण्याचे आवाहन सिन्नर ठाण्याचे पोलीस निरीक्षक मुकुंद देशमुख यांनी केले आहे. कायदा हातात घेण्याआधी पोलिसांशी संपर्क साधावा, असे देशमुख यांनी स्पष्ट केले.