मालेगाव : सफेद रंगाच्या पिकअप वाहनामध्ये तीन जनावरांना निर्दयतेने कोंबून कत्तलीसाठी वाहतूक करणाऱ्या इम्रान नावाच्या फरार इसमाविरुद्ध शहर पोलिसात गुन्हा दाखल करण्यात आला. त्याच्या ताब्यातील दीड लाखाच्या पीकअप वाहनासह ९८ हजारांची जनावरे असे एकूण दोन लाख ४८ हजारांचा ऐवज जप्त करण्यात आला. पोलीस कर्मचारी गिरीष भामरे यांनी फिर्याद दिली. इम्रान याने त्याच्या ताब्यातील पिकअप (क्र. एमएच ४ डीके ६३८८) वाहनातून तीन जनावरे निर्दयतेने कोंबून कत्तलीसाठी वाहतूक करीत असताना काल सकाळी साडेअकरा वाजेच्या सुमारास कमालपुरा भागात मिळून आला. पोलिसांना पाहून तो वाहन सोडून पळून गेला. त्याच्याविरुद्ध गुन्हा दाखल करण्यात आला. (प्रतिनिधी)
जनावरांची वाहतूक करणारा पिकअप जप्त
By admin | Updated: August 27, 2016 23:34 IST