अमित ठाकरेंचा इच्छुक शाखाध्यक्षांशी संवाद

आगामी महापालिका निवडणुकीच्या पार्श्वभूमीवर नाशिक महापालिकेची जबाबदारी युवा नेते अमित ठाकरे यांच्याकडे सोपविण्यात येणार असून, ठाकरे यांनी मनसे नेत्यांसह शहरात तळ ठोकला आहे. शहरातील विविध भागांत आगामी काळात मनसेच्या शाखा व संपर्क कार्यालये सुरू करण्यासाठी ठाकरे यांच्याकडून शाखाध्यक्षांच्या मुलाखती घेतल्या जात आहेत. त्या पार्श्वभूमीवर पंचवटीतील शाखाप्रमुख इच्छुकांशी त्यांनी औरंगाबाद रोडवरील यशवंत लॉन्स येथे मनसे कार्यकर्त्यांनी संवाद साधला. यावेळी माजी आमदार बाळा नांदगावकर, मनसे नेते नितीन सरदेसाई, अनिल शिदोरे, अमेय खोपकर, संजय नाईक, संदीप देशपांडे, मनसे प्रदेश उपाध्यक्ष अशोक मुर्तडक, शहराध्यक्ष अंकुश पवार, जिल्हाध्यक्ष अनंता सूर्यवंशी, रतनकुमार इचम, नगरसेवक नंदिनी बोडके, विभाग अध्यक्ष भाऊसाहेब निमसे, बंटी कोरडे, खंडू बोडके, सौरभ सोनवणे, मनविसेचे संदीप भवर, विक्रम कदम, हरीश गुप्ता, भीमा लिलके, बापू भोंगे, बाळासाहेब उखाडे, गौरव निमसे, समीर ब्राह्मणकर, ज्ञानेश्वर बोडके आदींसह मनसे पदाधिकारी व कार्यकर्ते उपस्थित होते.