अंबडला विवाहितेवर बलात्कार

नाशिक : पती-पत्नीतील भांडणाचा फायदा घेऊन देवराम जंगम व विष्णू झाकणे या दोघांनी विवाहितेवर बलात्कार केल्याचा प्रकार उघडकीस आला आहे़

 नाशिक : पती-पत्नीतील घरगुती भांडणाचा फायदा घेऊन चुंचाळे शिवारातील संशयित देवराम जंगम व विष्णू झाकणे (रा. दोघे चुंचाळे शिवार, अंबड) या दोघांनी विवाहितेवर वेळोवेळी बलात्कार केल्याचा प्रकार उघडकीस आला आहे़ पोलिसांनी दिलेल्या माहितीनुसार चुंचाळे शिवारात राहणाऱ्या ३० वर्षीय महिला व तिच्या पतीमध्ये घरगुती कारणावरून भांडण होत असे़ या भांडणाचा फायदा घेत २०११ पासून ते २०१७ या कालावधीत संशयित जंगम व झाकणे या दोघा संशयितांनी महिलेवर जेलरोड तसेच चुंचाळे शिवारात बळजबरीने बलात्कार केल्याचे फिर्यादीत म्हटले आहे़ या प्रकरणी पीडित विवाहितेने दिलेल्या फिर्यादीनुसार या दोघांविरोधात बलात्काराचा गुन्हा दाखल करण्यात आला आहे़