खादगाव ग्रामपंचायत हद्दीतील १२०० लोकसंख्या असलेल्या दलितवस्तीसाठी वारंवार मागणी करूनही रस्ता मिळत नसल्याच्या कारणावरून राष्ट्रवादी कॉंग्रेस ओबीसी सेलचे तालुकाध्यक्ष दिनकर यमगर (पहिलवान) व कमलाकर आहिरे, भारत आहिरे, विलास मोरे व इतर नागरिकांनी तहसील कार्यालयासमोर उपोषण सुरू केले होते.
रस्त्यावर खासगी अतिक्रमण असल्याचा दावा उपोषणार्थींनी केला होता. या दाव्याला आव्हान देताना सागर वडक्ते व इतर ११ जणांनी मोजणी करून अतिक्रमण आहे, हे सिद्ध करून द्यावे असे नमूद केले. रस्ता हा आमच्या खासगी मिळकतीतून जातो. परंतु आम्ही कोणास अडवत नाही असेही वडक्ते व इतरांनी चौकशीदरम्यान नमूद केले असले तरी येथे पक्की सडक व्हावी अशी उपोषणकर्त्यांची मागणी आहे.
-----------------
पक्क्या रस्त्याच्या मागणीसाठी उपोषणाला बसलेले खादगावचे ग्रामस्थ. (२२ नांदगाव१)