--------------------
१५० गरजूंना कामगारांना धान्य वाटप
सिन्नर : मुसळगाव औद्योगिक वसाहतीतील सुमारे १५० गरजू कामगारांना धान्य वाटप करण्यात आले. प्रत्येकी १० किलो गहू, पाच किलो तांदूळ असे पंधरा किलो धान्य, चहा पावडर, सी व्हिटॅमिनच्या गोळ्या वाटप करण्यात आल्या. यावेळी कुंदेवाडी येथील श्री जगदंबा माता पतसंस्थेचे अध्यक्ष नामकर्ण आवारे, अरुण चव्हाणके, विष्णू खताळे, अतुल अग्रवाल, विठ्ठल जपे, आनंदा सोनवणे, शिवाजी चासकर यांच्यासह मान्यवर उपस्थित होते.
-------------------------
वावी येथे सॅनिटरी नॅपकिन व्हेंडिग मशीन भेट
सिन्नर : शिवसेना खासदार हेमंत गोडसे यांच्यावतीने तालुक्यातील वावी ग्रामपंचायत कार्यालयास सॅनिटरी नॅपकिन व्हेंडिग मशीन देण्यात आले. सरपंच कन्हैयालाल भुतडा, उपसरपंच मीना काटे, ग्रामविकास अधिकारी प्रतिमा बच्छाव यांच्याकडे सदर मशीन सुपूर्द करण्यात आले. यावेळी शिवसेनेचे उपतालुकाप्रमुख दीपक वेलजाळी, दिलीप वेलजाळी, गणेश वेलजाळी, सचिन देसाई, राकेश आनप यांच्यासह कार्यकर्ते उपस्थित होते.