नाशिक : जिल्ह्यात शनिवारी (दि.२६) पोर्टलवर एकूण ५५ बळींची नोंद अपडेट करण्यात आली आहे. दिवसभरात ४ बळी नाशिक ग्रामीणला नोंदवले गेले असल्याने एकूण बळींची संख्या ८२७९ पर्यंत पोहोचली आहे.
जिल्ह्यात शनिवारी एकूण २१० रुग्ण बाधित तर २२९ रुग्ण पूर्णपणे कोरोनामुक्त झाले आहेत. नवीन बाधितांमध्ये १११ रुग्ण नाशिक मनपा क्षेत्रातील, ९८ रुग्ण नाशिक ग्रामीणचे, तर जिल्हाबाह्य एका रुग्णाचा त्यात समावेश आहे. जिल्ह्यात अपडेट करण्यात आलेल्या ५५ बळींमध्ये ३३ नाशिक मनपा क्षेत्रातील, २१ नाशिक ग्रामीणचे तर जिल्हाबाह्य १ रुग्णाचा समावेश आहे. जिल्ह्यात एकूण बळींची संख्या ८२७९ वर पोहोचली असून २४९० रुग्ण सध्या उपचार घेत आहेत. दरम्यान जिल्ह्यातील कोरोनामुक्त रुग्णांचे प्रमाण ९७.२७ इतके आहे. दरम्यान ११९० रुग्णांचे अहवाल प्रलंबित आहेत.