नाशिक : शहर व परिसरातील वाहतुकीला शिस्त लागावी अन‌् शहरातील वाहतूक आदर्श वाहतूक ठरावी, यासाठी नाशिककरांनी वाहतुकीचे नियम कटाक्षाने पालन करणे गरजेचे असताना याकडे जाणूनबुजून दुर्लक्ष करीत मागील वर्षी काही वाहतूक नियम धाब्यावर बसवून वाहने दामटवीत वाहतूक पोलिसांच्या कारवाईत अडकलेल्यांपैकी सुमारे ५० हजार ९१० नाशिककरांनी शहर वाहतूक शाखेकडून करण्यात आलेला दंड थकविला आहे.
शहरातील रस्त्यांवर वाहतूक कोंडी होऊ नये, म्हणून शहर वाहतूक शाखेने नियोजनबद्ध पद्धतीने काही रस्त्यांवर नो पार्किंग, तर काही रस्त्यांवर एकेरी प्रवेश, तर काही ठिकाणी ‘प्रवेश बंद’ असे विविध फलक महापालिकेच्या माध्यमातून, तसेच खासगी प्रायोजकांमार्फत लावून घेतले आहे; मात्र याकडे नागरिकांकडून सर्रास दुर्लक्ष केले जात असल्याने वाहतूक नियमांची पायमल्ली केली जात आहे. यामुळे वाहतुकीचा प्रश्नही ऐरणीवर आला आहे. बेशिस्त वाहनचालकांना वठणीवर आणण्यासाठी शहर वाहतूक नियंत्रण शाखेकडून ठिकठिकाणी तपासणी करीत दंडात्मक कारवाई केली जाते; मात्र मागील वर्षभरात बहुतांश वाहनचालकांनी शहर वाहतूक शाखेने केलेला दंड थकविला आहे. यामध्ये बड्या लोकांचा समावेश अधिक आहे. कारण नो पार्किंगमध्ये वाहने उभी करणाऱ्यांचे प्रमाण जास्त असून, सुमारे २७ हजार ८९ लोकांनी नो पार्किंगमध्ये वाहन उभे केल्यामुळे झालेला दंड अद्यापही भरलेला नाही. त्याचप्रमाणे वेगमर्यादेचे कुठलेही भान न बाळगता भरधाव वाहने दामटविणाऱ्यांमध्येही चारचाकी चालकांची आघाडी असल्याचे दिसून येते. २५ हजार ६९३ लोकांवर शहर वाहतूक पोलिसांनी मागील वर्षभरात वेगमर्यादेचे उल्लंघन केल्याप्रकरणी दंडात्मक कारवाई केली. त्यापैकी २१ हजार ११४ लोकांनी दंडाची रक्कम थकविली आहे.
----इन्फो---
...तर वाहन परवाना रद्द
१ एप्रिल २०१९ ते ३१ मार्च २०२० या कालावधीत ६९८ वाहनचालकांचे परवाने प्रादेशिक परिवहन विभागाकडून रद्द करण्यात आले आहे. तसेच १ एप्रिलपासून डिसेंबरपर्यंत ११८ वाहनचालकांचे परवाने रद्द केले गेले आहे. एकूण ८१६ नाशिककरांचे वाहन परवाने ९० दिवसांकरिता रद्द करण्यात आले आहे.
----आलेख---
अशी आहे आकडेवारी
नो पार्किंग- कारवाई झालेले वाहनचालक- ३४,८१४
वाहनचालकांकडील थकीत दंड - २७०९१
----
ट्रीपल सीट- कारवाई झालेले वाहनचालक - २,६७३
वाहनचालकांचे थकीत दंड - ४,१२०००
------
मोबाईलवर बोलणे - कारवाई झालेले वाहनचालक- ३,३२५
वाहनचालकांचे थकीत दंड- २,६७८
---
अधिक वेग - कारवाई झालेले वाहनचालक- २५,७०५
वाहनचालकांचे थकीत दंड- २१,११४
----
ड्रंक ॲन्ड ड्राईव्ह- कारवाई झालेले वाहनचालक-१५२
वाहनचालकांकडील थकीत दंड- १,४९,५००
---
डमी फॉरमेट आर वर जेपीजी/ १४ट्रॅफिक फॉरमेट फाइन नावाने सेव्ह आहे.
फोटो - आर वर १४ट्रॅफिक फाइन१/२ नावाने सेव्ह आहे.