मालेगाव : कत्तलीच्या हेतूने जनावरांची वाहतूक होत असल्याच्या पार्श्वभूमीवर उपविभागीय पोलीस अधिकाऱ्यांच्या गोवंश विशेष पथकाने वेगवेगळ्या कारवाईत २३ जनावरे व वाहने जप्त केली आहेत. पवारवाडी पोलीस ठाण्याच्या हद्दीत म्हाळदे शिवारात पोलिसांनी छापा टाकून २ लाख ४३ हजार रूपये किमतीची ११ जनावरे जप्त केली आहेत. याप्रकरणी पोलीस हवालदार भाऊसाहेब ताडीस यांच्या फिर्यादीवरुन आसीफ दस्तगीर रा. गुलशेरनगर याच्या विरूद्ध गुन्हा दाखल करण्यात आला आहे. शहर पोलीस ठाण्याच्या हद्दीत कमालपुरा भागात पोलिसांनी छापा टाकून १ लाख १५ हजार रूपये किमतीची चार जनावरे व पिकअप क्रमांक एमएच ४३ एडी ५९५ असा एकूण ३ लाख ६५ हजार रूपयांचा मुद्देमाल जप्त केला आहे. याप्रकरणी शाकीब अहमद मोहंमद शाहीद याच्या विरूद्ध गुन्हा दाखल करण्यात आला आहे. पोलीस हवालदार चंद्रशेखर शिरोळे यांनी फिर्याद दिली आहे. तर आयेशानगर पोलीस ठाण्याच्या हद्दीतील इस्लामपुरा भागात कत्तलीच्या हेतूने जनावरांची वाहतूक करणाऱ्या शेख आरिफ शेख शकूर, शारिक निसार शेख यांच्या विरुद्ध गुन्हा दाखल करण्यात आला आहे. याप्रकरणी पोलीस हवालदार नितीन कोळी यांनी फिर्याद दिली आहे. कत्तलीच्या हेतूने जनावरे जखडून बांधून ठेवत पिकअप क्रमांक एमएच ०२ वायए ५९६४ मधून १ लाख ५० हजार रूपये किमतीची ८ जनावरे आढळून आली. पोलिसांनी जनावरे व पिकअप असा ४ लाख रूपयांचा मुद्देमाल जप्त केला आहे.
----
क्रीडा संकुलासमोरून दुचाकी लंपास
मालेगाव : येथील स्व. बाळासाहेब ठाकरे क्रीडा संकुलासमोरून अज्ञात चोरट्याने ३० हजार रूपये किमतीची दुचाकी चोरून नेली आहे. याप्रकरणी शेख जावेद फतेह यांनी फिर्याद दिली आहे. त्यांची दुचाकी क्रमांक एमएच १८ एके ७९२२ ही अज्ञात चोरट्याने चोरून नेली आहे. पुढील तपास हवालदार आर. एम. पाटील हे करीत आहेत.
----
दुकानाचे शटर तोडून ५५ हजार लंपास
मालेगाव : चाळीसगाव फाट्यावरील इलेक्ट्रिक दुकानाचे शटरचे कुलूप तोडून ५५ हजार रूपयांचा मुद्देमाल चोरून नेणाऱ्या अकबर इस्माईल शेख, रिजवान रसूल शेख यांच्या विरुद्ध तालुका पोलीस ठाण्यात गुन्हा दाखल करण्यात आला आहे. याप्रकरणी किरण विलास सावंत या दुकान मालकाने फिर्याद दिली आहे. त्यांच्या दुकानाचे कुलूप तोडून इलेक्ट्रिक साहित्य व ५० हजार रूपये किमतीची रिक्षा क्रमांक एमएच १५ वाय २३३६ ही चोरून नेली आहे. पुढील तपास हवालदार एस. बी. बच्छाव हे करीत आहेत.
----
विवाहितेचा छळ; तिघांविरुद्ध गुन्हा
मालेगाव : दुचाकी घेण्यासाठी माहेरून ५० हजार रूपये आणावेत म्हणून विवाहितेचा शारीरिक व मानसिक छळ करणाऱ्या तिघा जणांविरुद्ध तालुका पोलीस ठाण्यात गुन्हा दाखल करण्यात आला आहे. याप्रकरणी राणी शरद खुराडे या विवाहितेने फिर्याद दिली आहे. शरद गोरख खुराडे, रामकृष्ण खुराडे, अनुसयाबाई गोरख खुराडे यांनी शारीरिक व मानसिक छळ करुन शिवीगाळ व दमदाटी केल्याचे फिर्यादीत म्हटले आहे. पुढील तपास हवालदार एच. टी. खांडेकर करीत आहेत.
----
मालेगावी तरुणाचा मोबाईल लंपास
मालेगाव : येथील छत्रपती शिवाजी महाराज पुतळा ते नवीन बसस्थानक परिसरात तरुणाच्या खिशातील २० हजार रूपये किमतीचा मोबाईल अज्ञात चोरट्याने चोरून नेला. याप्रकरणी रोहित बाबूलाल शिंदे यांनी फिर्याद दिली आहे. त्यांचा २० हजार रूपये किमतीचा मोबाईल अज्ञात चोरट्याने त्यांच्या संमतीशिवाय चोरून नेला आहे. पुढील तपास हवालदार बी. आर. निकम करीत आहेत.
-------------
अल्पवयीन मुलीला पळवून नेणाऱ्याविरुद्ध गुन्हा
मालेगाव : तालुक्यातील सौंदाणे शिवारातून अल्पवयीन मुलीला पळवून नेणाऱ्या देविदास उत्तम पवार रा. देवळाणे, ता. मालेगाव याच्या विरुद्ध तालुका पोलीस ठाण्यात गुन्हा दाखल करण्यात आला आहे. याप्रकरणी मुलीच्या आईने फिर्याद दिली आहे. त्यांच्या मुलीला काही तरी आमिष दाखवून पळवून नेले आहे. पुढील तपास सहाय्यक पोलीस निरीक्षक हेमंत पाटील करीत आहेत.