उमराणेत डाळिंबाला ११५० रूपये दर

उमराणे : येथील कै.निवृत्ती काका देवरे कृषी उत्पन्न बाजार समितीत डाळींब खरेदी विक्र ीचा शुभारंभ बाजार समितीचे प्रशासक सुजेय पोटे यांच्या हस्ते करण्यात आला. पहिल्याच दिवशाी डाळिंबाच्या २० किलो क्रेटला सर्वाच्च ११५० रूपये दर मिळाला. उमराणेसह परिसरात कांदा, मका व डाळींब आदी शेतमालाचे उत्पादन मोठ्या प्रमाणात घेतले जाते. त्या अनुषंगाने येथील उमराणे कृषी उत्पन्न बाजार समितीत कांदा व भुसार माल खरेदी विक्र ी होत असल्याने कांदा व मका विक्र ीसाठी शेतकर्यांना ही बाजार समिती उपयुक्त ठरत आहे. परंतु डाळींब विक्र ीसाठी जवळपास मार्केट नसल्याने शेतकर्यांना डाळींब विक्र ीसाठी मोठ्या प्रमाणात अडचण निर्माण होत होती. त्यामुळे उमराणे बाजार समितीत डाळींब व भाजीपाला लिलाव सुरु करण्यात यावेत अशी मागणी शेतकर्यांकडुन करण्यात आली होती. त्या अनुषंगाने डाळींब लिलाव सुरु करण्यात आले असुन बाजार आवारात विक्र ीसाठी आलेल्या डाळींब क्र ेट्सचे पूजन प्रशासक सुजेय पोटे यांच्या हस्ते करण्यात आले. बाजार आवारात पहिल्याच दिवशी सुमारे १५० ते २०० क्र ेट्स डाळींब विक्र ीसाठी दाखल झाले होते. येथील शेतकरी संजय रावण देवरे या शेतकर्यांच्या डाळींब क्र ेट्सला सर्वोच्च ११५० रु पये दर मिळाला. डाळींब उत्पादक शेतकर्यांनी प्रतवारी करु न माल विक्र ीस आणावा असे आवाहन बाजार समितीचे सचिव नितीन जाधव व सहाय्यक सचिव तुषार गायकवाड यांनी केले आहे.