शहादा महिला महाविद्यालयातर्फे तालुक्यात लसीकरण जनजागृती

महाविद्यालयाच्या स्वयंसेविकांनी आदिवासी पाडे, अनकवाडे, कोकणवाडा व विज्ञान वरिष्ठ महाविद्यालयाने दत्तक घेतलेल्या सोनवद या गावांमध्ये जाऊन कोरोना प्रतीकात्मक प्लॅस्टिक बलूनद्वारे जनजागृती व लसीकरण महत्त्व पटवून देत लसीकरणाची घोषवाक्य, स्वरचित गीतगायन व ऑडिओ कॅसेट या माध्यमातून ग्रामस्थांसोबत संवाद साधला. अभियानांतर्गत प्राचार्य डॉ. एस.पी. बडगुजर, प्रा. डाॅ. उल्हास सोनवणे, प्रा. इरफान पठाण, एसएनडीटीचे विभागीय समन्वयक काकासाहेब अनपट, एनएसएसचे कार्यक्रम अधिकारी योगेश भुसारे, डॉ. जयेश गाळणकर, प्रा. खेमराज पाटील, कोकणवाड्याचे सरपंच रमेश ठाकरे, सोनवदचे सरपंच अनिल गोविंद ठाकरे, उपसरपंच पुंडलिक बाबूराव पाटील, ग्रामसेवक अनिल ठाकरे व ग्रामस्थ यांनी ग्रामस्थांना लसीकरणासाठी प्रोत्साहित केले. उपक्रमात सीवायडीएचे स्वयंसेवक राजेंद्र मोरे, विशाल मत्ताम, बिपीन पाटील व रवि पदमोर यांनी सहकार्य केले. एनएसएस स्वयंसेविका वैशाली प्रल्‍हाद पाटील, प्रियंका विजय अहिरे, नेहा रवींद्र देवरे, सेजल सुनील निकुंभ, दीक्षा संजीव कुवर, मानसी किशोर धुमाळ, यामिनी संजय परमार, तेजस्विनी मनोहर वाघ, वैशाली धर्मेंद्र महिरे, दामिनी सदाशिव खैरनार, गायत्री शालिक माळी, प्रियंका राधेश्याम वाघ, सुवर्णा ज्ञानेश्वर यांनी तसेच स्वयंसेवक चेतन रामकृष्ण पाटील व भावेश भानुदास वाघ यांनी सहभाग नोंदवला.