पुसनद ग्रामपंचायत निवडणुकीत परिवर्तन व लोकशाही पॅनल यांच्यात लढत झाली. त्यात परिवर्तन पॅनलचे सात उमेदवार तर लोकशाही पॅनलचे दोन उमेदवार विजयी झाले. सरपंचपदी परिवर्तन पॅनलचे अनिल एकनाथ आगळे तर उपसरपंचपदी दिव्या प्रविण चौधरी यांची बिनविरोध निवड करण्यात आली. निवडणूक निर्णय अधिकारी म्हणून जी.आर. पाटील यांनी काम पाहिले. या वेळी परिवर्तन पॅनलचे प्रमुख महेंद्रसिंग गोविंदसिंग गिरासे, दुर्योधन शरद वाघ, तलाठी ढोले, पोलीस पाटील कृष्णा तुकाराम कोळी व ग्रामस्थ उपस्थित होते.
पुसनद येथे २० वर्षापासून लोकशाही पॅनलचे वर्चस्व होते. २० वर्षानंतर परिवर्तन पॅनलने बहुमताने सत्ता स्थापन केल्याने आनंदोत्सव साजरा केला. ग्रामस्थांनी दाखवलेल्या विश्वासास आम्ही पात्र ठरू व गावाचा विकास करण्यास कटिबद्ध असल्याचे मत यावेळी परिवर्तन पॅनलचे प्रमुख महेंद्रसिंग गिरासे व दुर्योधन वाघ यांनी व्यक्त केले.