दोन मोटारसायकलच्या अपघातात तिघे ठार

मयत शहादा तालुक्यातील : मध्य प्रदेशातील पानसेमलनजीक अपघात

ऑनलाईन लोकमत 

मंदाणे,दि.24- शहादा तालुक्यातील मंदाणे येथून काही अंतरावरील पानसेमल मार्गावर दोन मोटारसायकलींची समोरासमोर धडक होऊन तीन जण ठार झाल़े यातील दोघे मयत हे जावदे ता़ शहादे तर एक जण कान्सूल (म़प्र) येथील आह़े ही घटना गुरूवारी रात्री उशिरा घडली होती़ 

जावदे तर्फे हवेली ता़ शहादा येथील सीआरपीएफमध्ये कार्यरत जगदीश दिलीप बिरारे (29) हे सुटी घेऊन गावाकडे आले होता़ या दरम्यान दोन दिवसांपूर्वी त्यांचे पैशांचे पाकिट हरवल़े त्यात एटीएम आणि इतर महत्त्वपूर्ण कागदपत्रे असल्याने जगदीश गुरूवारी मुकेश राजू साळवे (19) चेतन युवराज महिरे (16) या दोघांसोबत मोटारसायकलने म्हसावद पोलीस ठाण्यात खबर देण्यासाठी गेले होत़े याठिकाणी माहिती अर्ज देऊन ते पानसेमल येथे गेले, तेथून रात्री 9़30 वाजेच्या सुमारास पानसेमल येथून जावदा येथे जाण्यासाठी निघाले असता, पानसेमल गावाच्या बाहेर ट्रॅक्टर शोरूमजवळ समोरून येणारी दुचाकी त्यांच्या दुचाकीवर आदळली़ यात जगदीश बिरारे व मुकेश साळवे या दोघांच्याही डोक्याला गंभीर दुखापत होऊन घटनास्थळावर मृत्यू झाला़ तर दुचाकीवर मागे बसलेला युवक चेतन महिरे हा गंभीर जखमी झाला आह़े दुस:या मोटारसायकलवरील विक्रम जामसिंग ठाकरे (40) रा़ कान्सूल हा जागीच ठार झाल़े या अपघातप्रकरणी पानसेमल पोलीस ठाण्यात दोन्ही मोटारसायकलस्वारांच्या नातेवाईकांनी परस्परविरोधी फिर्याद दाखल केली आहे.