‘काळ्या’ बोलला म्हणून दोन गट भिडले

नंदुरबार : नवापूर तालुक्यातील झामट्यावड येथे एकाला काळ्या बोलल्याच्या राग आल्याने झालेल्या वादातून दोन गटात तुंबळ हाणामारी झाली़ दोन्ही गटांनी विसरवाडी पोलीस ठाण्यात परस्परविरोधी फिर्याद दाखल केली आहे़  झामट्यावड येथील विजय हरदास कोकणी व महेंद्र कोकणी हे मुकेश मनोहर कोकणी यांच्या घरी गेले असता, त्यांच्यात चर्चा सुरू असताना, विजय कोकणी यांनी मुकेश यास काळ्या म्हटले, याचा राग आल्याने मुकेश मनोहर कोकणी यांच्यासह ९ जणांनी मिळून विजय व महेंद्र कोेकणी यांना शिवीगाळ करत मारहाण करून जीवे ठार मारण्याची धमकी दिली़ याबाबत विजय कोकणी यांच्या फिर्यादीवरून मुकेश कोकणी, सिमर मनोहर कोकणी, सुभाष सखाराम कोकणी, वासू भामट्या कोकणी, सखाराम रामचंद्र कोकणी, चंदू वाद्या कोकणी, विश्वनाथ भामट्या, बाबूलाल भामट्या कोकणी, बकाराम रामसिंग कोकणी मनोहर सीताराम कोकणी यांच्याविरोधात गुन्हा दाखल करण्यात आला आहे़तर दुसºया गटाकडून सुरूपसिंग सखाराम कोकणी यांनी दिलेल्या फिर्यादीनुसार सिमर कोकणी ही गावातून जात असताना तिच्यावर विजय हसनदास कोकणी व महेंद्र अभिमन कोकणी यांनी शेरेबाजी केल्यामुळे वाद झाला यात सुरूपसिंग कोकणी त्यांच्या कुटुंबीयांना मारहाण करून त्यांना जीवे ठार मारण्याची धमकी दिली़ सुरूपसिंग कोकणी यांच्या फिर्यादीवरून विजय कोकणी, महेंद्र कोकणी, अजय कोकणी, संजय कोकणी, शैलेश कोकणी, अनिल कोकणी, वैजयंताबाई कोकणी यांच्याविरोधात गुन्हा दाखल करण्यात आला आहे़