शेलवाई येथे शेतकऱ्यांना मृदा आरोग्य मार्गदर्शन कार्यक्रम

यावेळी महात्मा फुले कृषी विद्यापीठ राहुरी सलग्न कृषी महाविद्यालय नंदुरबार येथील प्राचार्य डॉ.एस.बी. खरबडे, कार्यक्रम अधिकारी डॉ.एस.व्ही. बोराळे, प्रा.डी.बी. सूर्यवंशी, डॉ.डी.बी. अहिरे व डॉ.पी.पी. गिरासे यांच्या मार्गदर्शनाखाली ग्रामीण कार्यानुभव व कृषी औद्योगिक उपक्रम राबवून ग्रामस्थ, शेतकऱ्यांना विविध उपाययोजनांची माहिती देण्यात आली. तसेच कृषी कन्या पल्लवी पराडके व तेजल वळवी यांनी मृदा आरोग्य पत्रिका वितरण अभियानाच्या माध्यमातून जमिनीची सुपीकता टिकवून पीक उत्पादनात वाढ कशी करावे तसेच रासायनिक व जैविक खते, सेंद्रिय खते व इतर पोषक अन्नद्रव्यांची संतुलित मात्रा देऊन अनावश्यक खर्च कसा टाळता येईल, माती परिक्षणाचे महत्व आणि बी-बियाणांच्या प्रकाराविषयी महत्व सांगितले. या वेळी अनिल पाडवी, सुनील पाडवी, देविसिंग वळवी, अविनाश वळवी, प्रभातसिंग पाडवी, अमरसिंग पाडवी, रणजित पाडवी, गणेश पाडवी आदी उपस्थित होते.