भरदिवसा घरफोडीने खळबळ

लोकमत न्यूज नेटवर्कनवापूर : शहरातील शेफाली पार्क परिसरात कापड व्यापा:याचे बंद घर फोडून चोरटय़ांनी 50 हजार रुपयांचा ऐवज चोरून नेला. भरदिवसा झालेल्या या घटनेमुळे शहरात खळबळ उडाली आहे. नवापूर पोलिसात गुन्हा दाखल करण्यात आला आहे. नवापूर शहरात शेफाली पार्क परिसरात कापड व्यापारी रुपेश सतिश पाटील हे राहतात. प}ी गावी नाशिक येथे तर रुपेश पाटील हे आपल्या दुकानावर गेले होते. भर दिवसा वसाहतीतील शुकशुकाटचा फायदा उचलत चोरटय़ांन बंद घराचा कडीकोयंडा तोडून घरात प्रवेश   केला. घरातील कपाटात ठेवलेले 40 हजार रुपये किंमतीचे दागीने व दहा हजार रुपये रोख चोरटय़ांच्या हाती लागले. तो ऐवज घेवून चोरटे पसार झाले. दिवसभरातील दुकानाचे कामकाज आटोपून रुपेश पाटील हे रात्री घरी गेले असता त्यांना चोरी झाल्याचे लक्षात आले. त्यांनी तात्काळ नवापूर पोलीस ठाण्यात याची माहिती दिली. पोलीस निरिक्षक विजयसिंग राजपूत हे पथकासह दाखल झाले. तपासासंदर्भात आवश्यक त्या सुचना दिल्या.रात्री उशीरा व्यापारी रुपेश पाटील यांनी फिर्याद दिल्याने नवापूर पोलिसात चोरीचा गुन्हा दाखल करण्यात आला आहे. तपास हवालदार महेंद्र नगराळे करीत       आहे.दरम्यान, शहरात भरदिवसा घरफोडी झाल्याने परिसरातील नागरिकांमध्ये भितीचे वातावरण पसरले आहे. दुपारी व रात्री  पोलिसांनी गस्त वाढवावी अशी मागणी या भागातील नागरिकांनी केली आहे.