शहाद्यात शासकीय कार्यालयांसह सर्वत्र शुकशुकाट

लोकमत न्यूज नेटवर्कशहादा : कोरोना व्हायरसच्या पार्श्वभूमीवर शासकीय कार्यालयांमध्ये कामकाज बंद असल्याने नागरिकांची वर्दळ कमी झाल्याने शुकशुकाट आढळून आला तर मध्यवर्ती बसस्थानकातही प्रवाशांची गर्दी कमी होती. कोरोना व्हायरसचा मुकाबला करण्यासाठी राज्य शासनाने केलेल्या आवाहनास नागरिकांकडून प्रतिसाद मिळत असल्याचे चित्र दिवसभर शहरात होते.शहादा पंचायत समिती कार्यालय, तहसील कार्यालय, न्यायालय, नगरपालिका, सार्वजनिक बांधकाम विभाग आदी महत्त्वाच्या कार्यालयांमध्ये शुक्रवारी नागरिकांनी येणे टाळल्याने नेहमी असलेली गर्दी आढळून आली नाही. शहरातील मध्यवर्ती ठिकाणी असलेल्या बसस्थानकात दररोज मोठी गर्दी असते. मात्र सकाळपासूनच गर्दीचे प्रमाण ओसरल्याने शुकशुकाट आढळून आला. शहादा आगारातर्फे १८ मार्चपासून वातानुकूल शिवशाही बसेस शहादा-मुंबई, शहादा-पुणे व शहादा-मुंबई सीटर या फेऱ्या रद्द करण्यात आल्या आहेत. तर दररोज सुरू असणाºया सकाळची पुणे व मुंबई त्याचप्रमाणे दोन नाशिकच्या फेºया व एक जळगावची फेरी पुढील आदेश होईपर्यंत रद्द करण्यात आलेली आहे. शहादा आगारातर्फे प्रवाशांना हात धुण्यासाठी पाणपोईजवळ सेनीटायझर उपलब्ध करून देण्यात आले आहे. त्याचप्रमाणे ड्युटीवर असणाºया वाहक व चालकांना मास्क उपलब्ध करून देण्यात आलेले आहेत. आगारातील बसेसची स्वच्छता नियमित करण्यात येत असून पालिकेच्या माध्यमातून सकाळी व दुपारी निर्जंतुकीकरण केले जात आहे.कोरोना व्हायरसचा मुकाबला समर्थपणे करण्यासाठी नागरिकांनी प्रशासनाला सहकार्य करावे. त्याचप्रमाणे शासनाने दिलेल्या सूचनांचे तंतोतंत पालन करावे, असे आवाहन प्रांताधिकारी डॉ.चेतन गिरासे, तहसीलदार डॉ.मिलिंद कुलकर्णी व मुख्याधिकारी राहुल वाघ यांनी केले आहे.कोरोना व्हायरसने संपूर्ण भारतभर थैमान घातले असून त्याच्या बचावासाठी मास्कची विक्री होत आहे. कोणीही रिटेलर किंवा घाऊक औषध विक्रेत्याने मास्क व सेनिटायझर बिलात घ्यावे व विक्रीही बिलात करावी. जास्त दराने मास्क व सेनिटायझरची विक्री करू नये. असे आढळल्यास त्याच्यावर संघटनात्मक तसेच प्रशासकीय कारवाई करण्यात येईल, असा इशारा नंदुरबार जिल्हा केमिस्ट व ड्रगिस्ट असोसिएशनचे सेंट्रल झोन सदस्य विजय चव्हाण, अध्यक्ष राजेंद्र डागा, सचिव जाकीर सैयद, जनसंपर्क अधिकारी ललित छाजेड यांनी विक्रेत्यांना दिला आहे.