मंदाणे व कळंबू येथे प्रत्येकी एका जागेसाठी मंगळवारी मतदान

लोकमत न्यूज नेटवर्कशहादा : तालुक्यातील मंदाणे व कळंबू ग्रामपंचायतीच्या प्रत्येकी एका जागेसाठी मंगळवारी मतदान प्रक्रिया होणार आह़े शहादा तालुक्यातील 20 ग्रामपंचायतीत पोटनिवडणूक जाहिर झाली होती़ यापैकी केवळ दोनच ग्रामपंचायतींसाठी नामनिर्देशन दाखल झाले होत़े जाहिर झालेल्या पोटनिवडणूक कार्यक्रमानुसार 20 ग्रामपंचायतींच्या 24 जागांसाठी अर्ज मागवण्यात आले होत़े मात्र 22 जागांसाठी नामनिर्देशन अजर्च दाखल झालेले नाहीत़ कळंबू येथील एका जागेसाठी मनिषा रितेश बोरसे, सुनिता रविंद्र बोरसे व प्रियंका मनोहर भदाणे यांच्यात लढत आह़े या प्रभागात 344 महिला व 391 पुरूष मतदार आहेत़ मंदाणा ग्रामपंचायतीच्या प्रभाग दोनमधील पोटनिवडणूकीसाठी नारायण महादू भिल व रावा नावजी भिल या दोघांमध्ये थेट लढत आह़े या प्रभागात 306 महिला आणि 325 पुरूष मतदार मतदानाचा हक्क बजावणार आहेत़ मंगळवारी मतदान प्रक्रिया पार पडल्यानंतर बुधवारी निकाल जाहिर करण्यात येणार आह़े तहसीलदार मनोज खैरनार यांच्यासह निवडणूक निरीक्षक निवडणुकीचे कामकाज पार पाडत आहेत़