याबाबत वृत्त असे की, नंदुरबारातील एका हॅाटेलवर काही दिवसांपूर्वी उपनगर पोलिसांनी छापा टाकून अवैध मद्यसाठा जप्त केला होता. तोच मद्यसाठा स्थानिक गुन्हा अन्वेषण विभागाच्या पथकाने दुसऱ्या एका हॅाटेलमध्ये धाड टाकली असता निदर्शनास आले. जप्त केलेल्या साठ्यावर अर्थात प्रत्येक बाटलीवर विशिष्ट खूण केलेली असते. काही दिवसांनी तो साठा नष्ट करावा लागतो. मात्र, असे न करता तो दुसऱ्या हॅाटेलला विक्री झाल्याचा प्रकार घडला आहे. त्यामुळे हा मद्यसाठा संबंधित हॅाटेलला कुणी पुरविला याबाबत चौकशी सुरू असून उपनगर पोलीस ठाण्यातील एक वरिष्ठ अधिकारी व एका कर्मचाऱ्याची तडकाफडकी बदली करण्यात आली आहे. याप्रकरणाची पोलीस दलात मोठी चर्चा आहे.
या प्रकरणी स्वतंत्र अधिकाऱ्यामार्फत चौकशी सुरू केली आहे. तीन दिवसात त्यांना अहवाल देण्याचा सुचना केल्या आहेत. ही चौकशी निष्पक्ष व पारदर्शी व्हावी यासाठी संबधितांची तात्पुरती मुख्यालयात बदली करण्यात आली आहे. अहवाल आल्यानंतर दोषींवर कारवाई होईल.
-महेंद्र पंडित, जिल्हा पोलीस अधीक्षक, नंदुरबार.