मोटारसायकल अपघातात एकाचा मृत्यू दोन जण गंभीर जखमी

मोलगीचा ओलीदोपाडा येथील मोगऱ्या मिऱ्या वसावे (१९) हा युवक रोहित पारता वसावे रा.बिजरीपाटी याच्यासोबत एमएच ३९ एई ६८१६ या दुचाकीने अक्कलकुवा येथे आयटीआयचा फाॅर्म भरण्यासाठी गेला होता. प्रवेश अर्ज दाखल केल्यानंतर, दोघेही मोलगीकडे येत असताना सायंकाळी बिजरीपाटी दुचाकीवरचे नियंत्रण सुटल्याने, रोहित वसावे याने पायी चालणाऱ्या बहादुरसिंग वनसिंग वसावे व विनिल किरमा वसावे दोघे रा.बिजरीपाटी यांना मागून जोरदार धडक दिली. धडकेत दोघेही मोगऱ्या वसावे व रोहित पाडवी दाेघेही गंभीर जखमी झाले. त्यांना तत्काळ ग्रामीण रुग्णालय मोलगी येथे उपचारासाठी दाखल करण्यात आले होते. प्राथमिक उपचार करून, त्यांना नंदुरबार येथे हलविण्यात आले होते. दरम्यान, मोगऱ्या वसावे याचा रस्त्यातच मृत्यू झाला. जखमींना नंदुरबारातील खासगी रुग्णालयात दाखल करण्यात आले आहे. दरम्यान, याबाबत रोहित पाडवी याच्याविरोधात अपघातास कारणीभूत ठरल्याचा गुन्हा मोलगी पोलीस ठाण्यात दाखल करण्यात आला आहे. तपास सहायक पोलीस निरीक्षक धनराज निळे यांच्या मार्गदर्शनात पोलीस नाईक राजेंद्र गावीत करीत आहेत.