नाशिंदा, विखरण व कोरीटला घरफोडी

भितीचे वातावरण : एक लाख 56 हजारांचा ऐवज चोरीस

नंदुरबार : नाशिंदा, विखरण व कोरीट येथे धाडसी घरफोडीतून चोरटय़ांनी एक लाख 57 हजार रुपयांचा ऐवज चोरून नेल्याची घटना घडली. यामुळे ग्रामिण भागात खळबळ उडाली आहे. तिन्ही ठिकाणच्या चो:यांबाबत तालुका पोलिसात गुन्हा दाखल करण्यात आला आहे.नाशिंदा येथील गोविंद पुंडलीक पाटील यांच्या घराचा कडी-कोयंडा तोडून चोरटय़ांनी चोरी केली. पाटील हे बाहेरगावी गेल्यामुळे त्यांचे घर बंद होते. बंद घराची संधी साधत चोरटय़ांनी कडी-कोयंडा तोडून घरातील कपाटातून रोख रक्कम व सोने-चांदीचे दागीने असा एकुण 71 हजार रुपयांचा ऐवज चोरून नेला. सकाळी ही बाब उघडकीस आल्यानंतर एकच खळबळ उडाली. तातडीने तालुका पोलिसांना कळविण्यात आले. पोलिसांनी पंचनामा केला. याबाबत गोविंद पुंडलीक पाटील, रा.नाशिंदा यांच्या फिर्यादीवरून तालुका पोलिसात गुन्हा दाखल करण्यात आला.दुसरी घटना विखरण येथे घडली. केशव वामन पाटील यांचे बंद घर लक्ष केले. घराच्या दरवाजाचा कडीकोयंडा तोडून चोरटय़ांनी घरातील रोख रक्कम व सोने-चांदीचे दागीने असा एकुण 43 हजार 500 रुपये किंमतीचा ऐवज चोरून नेला. सकाळी ही बाब उघडकीस आल्यानंतर तातडीने पोलिसांना पाचारण करण्यात आले. केशव वामन पाटील यांनी फिर्याद दिल्याने गुन्हा दाखल करण्यात  आला.तिसरी घटना कोरीट येथे घडली. वर्षा सुरेश पाटील यांचे बंद घर फोडण्यात आले. बंद घराचा कडीकोयंडा तोडून चोरटय़ांनी घरातील 43 हजार रुपयांचा ऐवज चोरून  नेला. सकाळी याबाबत वर्षा सुरेश पाटील यांनी फिर्याद दिल्याने गुन्हा दाखल करण्यात आला आहे. तपास हवालदार अहिरे, सदाराव व गोसावी करीत आहे. या घटनांमुळे ग्रामिण भागात भितीचे वातावरण आहे.