मोटारसायकलने देवमोगरा यात्रेला जाणाऱ्या दोघा भाविकांना ट्रकची धडक

नंदुरबार : शिरपूर तालुक्यातील गुजरात राज्यातील देवमोगरा येथे याहामोगी मातेच्या दर्शनासाठी जाणाऱ्या दोघा भाविकांना ट्रकने चिरडल्याने ते जागीच ठार झाले़ गुरुवारी मध्यरात्री हा अपघात घडला़भांगरबर्डी ता़ शिरपूर येथून सिंगा चैत्राम पावरा (४४) व दिलवरसिंग शेगा पावरा (३५) हे गावातील इतरांसोबत देवमोगरा यात्रेसाठी दुचाकीने निघाले होते़ गावातील इतर कुटूंबिय हे पिकअप वाहनात तर हे दोघेही दुचाकीने पुढे जात होते़ दरम्यान डामरखेडा ता़ शहादा गावाजवळ समोरुन येणाºया ट्रकने त्यांना धडक दिली़ यात दोघेही जागीच ठार झाले़ मागून येणाºया इतर यात्रेकरुंना ही माहिती मिळाल्यानंतर त्यांनी ट्रकचालकास रोखण्याचा प्रयत्न केला़ परंतू ट्रकचालक फरार झाला़ दोघांचेही शहादा येथे शवविच्छेदन करण्यात येऊन मृतदेह सकाळी नातेवाईकांच्या ताब्यात देण्यात आला़ याबाबत कुणाल गोटू पावरा यांनी शहादा पोलीस ठाण्यात दिलेल्या खबरीवरुन शुक्रवारी गुन्हा दाखल करण्यात आला़ तपास सहायक पोलीस उपनिरीक्षक पाटील करत आहेत़ फरार ट्रकचालकाचा पोलीस शोध घेत आहेत़अपघातानंतर स्थानिक ग्रामस्थांनी यात्रेकरुंना मदत करुन शहाद्याकडे रवाना केले होते़ गुजरात राज्यातील देवमोगरा येथे भरणाºया याहामोगी मातेच्या यात्रोत्सवासाठी धुळे, नंदुरबार, आणि जळगाव जिल्ह्यातील हजारो आदिवासी बांधव जातात़ विविध वाहनांनी जाणारे बरेच यात्रेकरु रात्रीच्यावेळीच प्रवास करणे पसंत करतात़ यामुळे त्यांच्या वाहनांना मार्ग दाखवण्यासह विविध उपाययोजना करण्याची गरज आहे़ काही भाविक हे नवस फेडण्यासाठी पायी प्रवास करतात़ त्यांनाही वाहनांनी धडक देत अपघात घडल्याचे प्रकार गेल्यावर्षी घडले होते़ यामुळे भाविकांच्या सुरक्षेसाठी संबधित विभागाने योग्य ती कार्यवाही व्हावी अशी अपेक्षा व्यक्त करण्यात येत आहे़