म्युनिसिपल हायस्कूल स्मरणिकेच्या नियोजनासाठी शहाद्यात बैठक

या स्मरणिकेत शाळेचा नावलौकिक वाढवणाऱ्या माजी विद्यार्थ्यांची यादी, माजी विद्यार्थ्यांचे शाळेविषयी लेख, शाळेची गौरवशाली इतिहासाची परंपरा, शाळेने आपल्यावर केलेले संस्कार आदी अनेक विषयांचा लेख समावेश असलेली स्मरणिका प्रकाशित करण्याचे बैठकीत निश्चित करण्यात आले. स्मरणिका संपादकीय मंडळात प्राचार्य मोहन सोनार, प्रा.ज्ञानी कुलकर्णी, प्रा.यशवंत क्षीरसागर, उदय निकम, सुरेश जव्हेरी, विजय देशपांडे, सुजाता पाटील आदींची निवड करण्यात आली. स्मरणिका आकर्षक, परिपूर्ण व संग्रही होण्यासाठी काय प्रयत्न करावे लागतील याबाबत बैठकीत चर्चा करण्यात आली. स्मरणिका प्रकाशनावेळी आजी-माजी विद्यार्थ्यांचा स्नेहमेळावा आयोजित केला जाणार आहे. स्मरणिकेसाठी आजी-माजी विद्यार्थ्यांकडून शाळेच्या आठवणी, शाळेने आपल्यावर केलेले संस्कार, आपल्या यशात शाळेचे योगदान, शाळेची गौरवास्पद कामगिरी याबद्दल आठवणींना उजाळा मिळावा म्हणून आपले विचार, लेखी स्वरूपात ३१ मे पर्यंत प्राचार्य मोहन सोनार यांच्याकडे किंवा संपादक मंडळाकडे म्युनिसिपल हायस्कूल कार्यालयात टपालाने पाठवावेत, असे आवाहन संपादकीय मंडळातर्फे शाळेत शिकलेल्या माजी विद्यार्थ्यांना केले आहे. बैठकीला प्राचार्य मोहन सोनार, पर्यवेक्षक यशवंत क्षीरसागर, प्रा.ज्ञानी कुलकर्णी, उदय निकुंभ, सुरेश जव्हेरी, दिगंबर माने, प्रवीण पाडवी, धनगर आदी उपस्थित होते.