लोकमत न्यूज नेटवर्कप्रतापपूर : मोरवड, ता.तळोदा येथील रस्त्यावर गुरूवारी सायंकाळी साडेसहा वाजेच्या सुमारास बिबट्या व त्याची दोन पिल्ले फिरतानाचे काही शेतकऱ्यांनी पाहिले. या वेळी गाव शिवारात बिबट्या व दोन बछड्यांचा वावर असल्याचे वृत्त गावात पोहोचताच ग्रामस्थांमध्ये भितीचे वातावरण निर्माण झाले आहे.याबाबत वनविभागाला कळविण्यात आल्याने संबंधित अधिकारी व कर्मचाऱ्यांनी तातडीने घटनास्थळी धाव घेत बिबट्या व त्याच्या दोन्ही बछड्यांच्या पायाचे ठसे घेतल्याने हे ठसे बिबट्याचा व दोन बछड्यांची असल्याची खात्री होताच वनविभागाने या परिसरात त्वरित ट्रॅप कॅमेरे लावले आहेत.मोरवड ते धानोरा रस्त्यावरील अर्जुन पाडवी यांच्या शेताच्या बांधावर बिबट्या व दोन बछड्यांचा वावर असल्याचे मोरवडचे माजी उपसरपंच रणजित चौधरी, रखवालदार राजू पाडवी, दशरथ पाटील, भरत पाटील यांनी पाहिले असता त्यांनी त्वरित वनपाल एन.पी. पाटील, वनरक्षक विरसिंग पावरा, अमित पाडवी यांना घटनेचे वृत्त कळविले. या वेळी संबंधितांनी घटना स्थळी तत्काळ भेट देत बिबट्या व बछड्यांच्या पायांचे ठसे घेतले. या वेळी शहादा येथील गस्ती पथकही दाखल झाले होते. त्यांनी ठिकठिकाणी ट्रॅप कॅमेरे लावले आहे. याप्रसंगी ग्रामस्थ व शेतकºयांनी या भागात पिंपरे लावण्याची मागणी वनविभागाकडे केली आहे.