नवापुरात उभ्या कारवर जीप आदळली

लोकमत न्यूज नेटवर्कनवापूर : शहर हद्दीत  राष्ट्रीय महामार्ग क्रमांक सहावर उभ्या असलेल्या कारला भरधाव वेगात जाणा:या जीपने धडक दिल्याने एकाचा जागीच मृत्यू झाल्याची घटना शुक्रवारी सकाळी घडली. अपघातानंतर जीपचालक फरार झाला आहे. पोलीस सुत्रानूसार, राष्ट्रीय महामार्ग क्रमांक सहावर सकाळी साडेअकरा वाजेच्या सुमारास छत्तीसगड राज्यातील देवानंद मुकाइ रात्रे यांनी आपली कार (क्रमांक सीजी 04-एलएस 8000) स्वस्तिक पेट्रोल पंपाजवळ उभी केली होती. त्याच बाजुला एक ट्रक देखील उभा होता. सुरतेकडून भरधाव वेगात धुळे कडे जाणा:या जीप चालकाने  (एमएच 39-डब्ल्यू 166) विरुध्द बाजुने आपले वाहन चालविल्याने जीप देवानंद रात्रे यांच्या उभ्या असलेल्या कारवर आदळली. कारला जोरदार धडक बसल्याने कार जवळच्या ट्रकवर आदळुन मागे आली. त्यात कार व ट्रकच्या मधे उभे असलेले कलीम मोहीयोद्दीन शेख रा. इस्लामपुरा नवापूर हे ट्रकवर व नंतर कारवर आदळले गेल्याने गंभीर जखमी झाले. तेथे उपस्थित नागरिकांनी त्यांना उप जिल्हा रुग्णालयात दाखल केले. तेथून पुढील उपचारासाठी त्यांना व्यारा येथे हलविण्यात आले. उपचारा दरम्यान त्यांचा मृत्यू झाला. घटनेनंतर जीप चालकाने पळ काढला असुन तो फरार झाला आहे. देवानंद रात्रे यांच्या फिर्यादीवरुन जीप चालक विरोधात गुन्हा दाखल करण्यात आला असुन पोलीस त्याचा शोध घेत आहेत.