वडफळी येथे घराला भीषण आग

लोकमत न्यूज नेटवर्कअक्कलकुवा : तालुक्यातील वडफळी येथे सुकलाल अर्जुन तडवी यांच्या घराला अचानक आग लागून नुकसान झाले़ आगीत हजारो रुपयांच्या रोकडसह जीवनावश्यक वस्तू संसारोपयोगी साहित्य जळून खाक झाले़ मंगळवारी रात्री आठ वाजेच्या सुमारास ही घडली़ घटनेत सुदैवाने जीवितहानी झालेली नाही़वडफळी येथील सुकलाल तडवी यांच्या घरातील शासकीय योजनेतून मिळालेल्या सौर संचाच्या बॅटरीचा मंगळवारी रात्री अचानक पणे स्फोट झाला़ यामुळे आग लागून काही क्षणातच संपूर्ण घरात आगीचा फैलाव झाला़ संपूर्ण लाकडी असल्याने आग आटोक्यात आली नाही़ यात जीवनावश्यक वस्तू संसारोपयोगी वस्तू, कुटुंबातील सदस्यांचे महत्वाचे कागदपत्र जळून खाक झाले़ रौद्र रुप धारण केलेली आग विझवणे शक्य नसल्याने तडवी कुटूंबिय केवळ हतबल होऊन घराची होणारी राखरांगोळी पाहत होते़ आगीत तडवी यांचे घरासह सुमारे २ लाख रुपयांचे नुकसान झाल्याची माहिती देण्यात आली आहे़याबाबत वडफळी येथील तलाठी यांनी पंचनामा करुन तहसीलदार विजयसिंग कच्छवे यांच्याकडे सादर केला़ पंचनाम्यानुसार आर्थिक मदत देण्याची मागणी तडवी कुटंूबाकडून करण्यात येत आहे़सुकलाल तडवी यांच्या पत्नी हंसा ह्या परीसरातील महिलांचे कपडे शिवण्याचे काम करतात़ आग लागली त्यावेळी त्यांच्याकडे शिवणकाम आले होते़ हे कपडेही यात जळून खाक झाल्याने नुकसान वाढले आहे़